Qazaqstanda munai ónimderiniń birjalyq saýda-sattyǵyna qatysý úshin kedergi azaidy, dep habarlaidy QazAqparat QR Básekelestikti qorǵaý jáne damytý agenttiginiń baspasóz qyzmetine silteme jasap.
Baspasóz qyzmetiniń málimetine qaraǵanda, birja komitetiniń 2021 jylǵy 22 qazandaǵy qorytyndysyna sáikes, munai ónimderiniń ainalym kólemi boiynsha birjalyq saýda-sattyqqa qatysý úshin munai ónimderin satyp alýshylarǵa qoiylatyn talaptardy jylyna 20 myń tonnadan 5 myń tonnaǵa deiin tómendetý týraly sheshim qabyldandy.
Jylyna 5 myń tonna munai ónimderiniń ainalym kóleminiń bul deńgeii shaǵyn óńirlik JQS bólshek saýda jelisiniń biznes kólemine sáikes keledi, bul osy naryqtaǵy eń basym segment bolyp tabylady.
Osylaisha, qabyldanǵan sheshim munai ónimderiniń birjalyq saýdasyna qatysýshylardyń sanyn keńeitýge yqpal etetin bolady.
Birja komitetiniń hattamasymen jáne munai ónimderin taýar birjalary arqyly kóterme saýdada ótkizý jónindegi usynymdardyń (sektsiialyq Qaǵidalardyń) sońǵy redaktsiiasymen Agenttiktiń resmi internet-resýrsynda «Birjalyq komitet» bóliminde tanysýǵa bolady.
