Foto: UQK baspasóz qyzmeti
UQK munai ónimderi kontrabandasynyń jolyn kesý týraly aqparat jariialady, - dep habarlaidy "Ult aqparat".
"2023 jylǵy 20 shildede Ulttyq qaýipsizdik komiteti "A" arnaýly maqsattaǵy qyzmetimen, sondai-aq Túrkistan oblysynyń prokýratýrasymen ózara árekettese otyryp, qazaqstandyq munai ónimderin shetelge, onyń ishinde teńiz arqyly zańsyz shyǵarý arnasynyń jolyn kesti.
Astana, Shymkent qalalarynyń jáne Túrkistan men Mańǵystaý oblystarynyń aýmaǵynda tiisti jedel-tergeý is-sharalary júrgizilip jatyr" - delingen vedomstvo habarlamasynda.
Qylmystyq-protsestik kodekstiń 201-babyna sáikes ózge aqparat tergeý múddesinde jariia etýge jatpaidy.
