Munai baǵasynyń ósýi teńgeniń 21,27 teńgege nyǵaiýyna yqpal etti. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy QazAqparat.
«Valiýta naryǵyndaǵy jaǵdai syrtqy irgeli faktorlardyń áserinen damýda. OPEK+ mámilesiniń sátsizdikke ushyraýy, Resei rýbliniń álsireýi jáne koronavirýstyń tez taralýy aiasynda álemdik qarjy naryǵyndaǵy qubylmalylyqtyń artýy saldarynan munai baǵasynyń osy jylǵy naýryzdyń qorytyndysy boiynsha bir barrel úshin 22,7 AQSh dollaryna deiin, jyl basynan bastap 2,9 esege kúrt tómendeýi ishki valiýta naryǵyna qysym kórsetti. Osy oraida biylǵy naýryzda teńgeniń aiyrbastaý baǵamy bir AQSh dollary úshin 447,7 teńgege deiin álsiredi. Qarjylyq turaqtylyqty qamtamasyz etý jáne alypsatarlyq mámilelerdi shekteý maqsatynda osy jylǵy 10 naýryzdan bastap Ulttyq bank interventsiia júrgizdi», - dedi ol.
Sonymen qatar, onyń atap ótýinshe, valiýta usynysynyń tómendeýi jáne teńgeniń aiyrbastaý baǵamyna kúrt qysym jasaý talaptarynda valiýtalyq saýda-sattyqta alǵash ret Frankfýrttyq aýktsion ádisi iske qosyldy. Bul shara baǵamǵa alypsatarlyq qysymdy tómendetýge baǵyttaldy.
«Valiýta naryǵyndaǵy suranys pen usynystyń teńgerimin arttyrý úshin Úkimetpen birlesip, shetel valiýtasy usynysyn ulǵaitý boiynsha sharalar kesheni qabyldandy. Oǵan kvazimemlekettik sektor sýbektileriniń eksporttyq valiýtalyq túsimniń bir bóligin mindetti satýy jáne valiýtalyq depozitterdi QR-dyń ekinshi deńgeili bankterdegi shottarǵa aýdarýy, zańdy tulǵalardyń valiýtany satyp alýyna/satýyna qoiylatyn talaptardy kúsheitý kiredi», - dedi UB tóraǵasy.
Erbolat Dosaevtyń aitýynsha, munaidyń álemdik baǵasynyń ósýi qabyldanǵan sharalarmen qatar teńgeniń aiyrbastaý baǵamynyń biylǵy 19 naýryzdaǵy bir AQSh dollary úshin 448,5 teńge bolatyn eń joǵarǵy mánnen osy jylǵy 13 sáýirdegi jaǵdai boiynsha bir AQSh dollary úshin 427,25 teńgege deiin 4,7 paiyzǵa nemese 21,27 teńgege nyǵaiýyna yqpal etti.
