62 myńnan astam balanyń ata-anasy sanatorii-kýrorttyq em-domǵa memleket esebinen birge barýy múmkin, dep habarlaidy QazAqparat.
QR Parlamenti Májilisinde «Qazaqstan Respýblikasynyń keibir zańnamalyq aktilerine múgedektigi bar adamdardyń ómir súrý sapasyn jaqsartý máseleleri boiynsha ózgerister men tolyqtyrýlar engizý týraly» QR Zańynyń jobasyn tanystyrǵan depýtat Elnur Beisenbaev osyndai málimet aitty.
«Múgedektigi bar balany sanatorii-kýrorttyq emdeýge alyp júretin ata-anasynyń, zańdy ókiliniń birine mekemege ornalasý, tamaqtaný, jatyn oryny siiaqty birinshi qajettilik bolyp sanalatyn shyǵystarynyń quny óteledi. Bul bastama shalǵai aýdandarda áleýmettik jaǵdaiy tómen otbasylardyń múgedektigi bar balasyna jan-jaqty sanatorii-kýrorttyq em-dom alýǵa jol ashady. Al búgingi kúnge deiin atalǵan máseleni jergilik biýdjet arqyly tek úsh aimaqta, onyń ishinde Núr-Sultan qalasy, Qaraǵandy jáne Pavlodar oblystarynan alyp júrýshi zańdy ókilderinen qarjy qarastyrylǵan edi», - degen depýtaty bul asa mańyzdy normalardyń biri ekenin atap ótti.
Sondai-aq, ol zań jobasynda qarastyrylǵan qarjynyń basym bóligi osy normany oryndaýǵa qarastyrylatynyn basa aitty.
«Bizdiń aldyn ala jobalap esepteýimiz boiynsha, 3 jyldyń ishinde keminde 62 myńnan astam bala men ata-anasy nemese olardyń zańdy ókilderi sanatorii-kýrorttyq em-domǵa birge baratyn bolady.
Atalǵan zań jobasynyń aiasynda emhanalardaǵy qyzmetti birinshi kezekte alý, úshinshi toptaǵy múgedektigi bar adamdardy notariýstyq qyzmetter jasaýda aqy tóleýden bosatý normasy, 50 myń balaǵa arnalǵan psihologiialyq-meditsinalyq-pedagogikalyq konsýltatsiialar qurý qaǵidaty, adam saýdasynyń qurbany bolǵan sheteldik azamattarǵa jan-jaqty áleýmettik qyzmet kórsetý boiynsha normalar engizildi.
Qurmetti áriptester, atalǵan zań jobasynyń aiasynda 3 jyldyq respýblikalyq biýdjetten 5,9 mlrd teńge qarjy qarastyrylǵan. Zań jobasynyń oń tustaryn eskere kele, birinshi oqylymda qoldaýlaryńyzdy suraimyn», - dedi Elnur Beisenbaev.
