Syrtqy ister ministri Muhtar Tileýberdi Qazaqstan UQShU kelisimi aiasynda Donetsk jáne Lýgansk halyq respýblikalaryna ásker jiberýge mindettelýi múmkin be degen suraqqa jaýap berdi, - dep habarlaidy Tengrinews.kz tilshisi.
"Bul múmkin emes. Ózderińiz bilesizder, UQShU jarǵysynda áskeri nemese bitimgershilik kúshterdi paidalaný qatań shektelgen. Olardy tek UQShU keńistiginde ǵana paidalanýǵa bolady", - dedi Tileýberdi Úkimet otyrysynan keiin jýrnalister suraǵyna jaýap berip.
Bir apta buryn Qazaqstan Reseimen áskeri yntymaqtastyq týraly kelisimdi ratifikatsiialady. Jýrnalister ministrden osy kelisim boiynsha DHR men LHR-ǵa qazaqstandyq áskerdi jiberýi múmkin be dep surady.
"Joq, bul kelisimde keibir aýdandarǵa ortaq kúshter jiberý jáne t.b. qarastyrylmaǵan. Bul kelisim tek áskeri-tehnikalyq yntymaqtastyqty qarastyrady", - dedi Tileýberdi.
