Búgin "Qazatomónerkásip" ulttyq kompaniiasynyń eks-basshysy Muhtar Jákishevtiń sharty túrde merziminen buryn bosatý týraly ótinishi boiynsha sottyń sheshimi shyǵaryldy, dep habarlaidy Sputnik Qazaqstan tilshisi.
Otyrys kezinde Muhtar Jákishevtiń advokaty Nurlan Beisekeev eki saǵatqa jýyq sóz sóiledi. Onyń aiýtynsha, túrmede otyrǵan Jákishevtiń densaýlyǵy nasharlap ketti. Ol birneshe aýrýǵa dýshar boldy. Biraq áli kúnge deiin tolyqqandy meditsinalyq tekseristen ótken joq. Búginde ol biraz dárini iship, emdelýge májbúr. III toptaǵy múgedek týraly anyqtamasy bar.
"Muhtar Jákishev "Qazatomónerkásip" ulttyq kompaniiasy bankrotqa jaqyn turǵanda basshylyqqa keldi. Bul bizdiń prezidentimizdiń ótinishi edi. Muhtar Erkinuly qysqa ýaqyttiń ishinde kompaniiany kóterdi, "ekonomikalyq monstrǵa" ainaldyrdy deýge bolady. Kóptegen iri kompaniialar "Qazatomónerkásipke" qarap, boi túzedi. Iri memleketter Qazaqstanmen áriptest bolýǵa umtyldy. Muhtar Jákishev atom energetikasy salasyndaǵy ǵylymdy damytýdy kózdedi. Ondai adamǵa izgi kózqaraspen qaraý qajet", - dedi Beisekeev.
Qorǵaýshylardyń sózine qaraǵanda, sotqa deiin "Qazatomónerkásip" ulttyq kompaniiasy tarapynan materialdyq shyǵyn keltirgeni týraly aryz-shaǵym túspedi. Búgingi sot otyrysyna da kompaniianyń ókilderi kelgen joq.
"Osynyń ózi kompaniia tarapynan aryz-shaǵymnyń joq ekenin kórsetip otyr. Muhtar Jákishev túrmede, al "Qazatomónerkásip" ulttyq kompaniiasy baiyp jatyr", - deidi qorǵaýshylar.
Dárigerler Jákishevtiń densaýlyǵyna qatysty aqparatty rastady. Túrme ókilderi de Jákishevti shartty túrdi merziminen buryn bosatýǵa bolatynyn málimdedi.
Jákishev óz kezeginde buǵan deiin bolǵan sot otyrystaryn eske alyp, ózine taǵylǵan aiyptardyń negizsiz ekenin jetkizdi. Al prokýror sottalǵandy merziminen buryn bosatýǵa qarsylyq bildirdi. Sot Jákishevtiń ótinishin qanaǵattandyrmady.
Aita keteiik, Muhtar Jákishev 2009 jyly mamyr aiynda tutqyndalǵan bolatyn. Kelesi jyly ony 14 jylǵa bas bostandyǵynyn aiyrý týraly sheshim shyǵaryldy. Ótken jyly túrmedegi merzimniń jartysynan kóbi ótti. Osyǵan bailanysty Jákishev shartty túrde merziminen buryn bosatýǵa ótinish bildirdi. Alaida Semei qalasynyń soty atalǵan ótinishi qoldaǵan joq.
Byltyr shilde aiynda Jákishevti Semeidegi OV-156/14 koloniiasyna aýystyrdy. Buǵan deiin ol Almaty oblysyndaǵy Zarechnyi aýylynda jáne Qaraǵandy oblysyndaǵy Dolinka eldi mekenindegi túrmede otyrdy.
