Muhtar Tileýberdi Qazaqstan Respýblikasynyń Syrtqy ister ministri qyzmetine taǵaiyndaldy, dep habarlaidy Aqorda.
Muhtar Beskenuly Tileýberdi 1968 jyly Ońtústik Qazaqstan oblysynda dúniege kelgen.
Qazaq memlekettik ýniversitetin támamdaǵan.
1993-1996 jyldary - Qazaqstan Respýblikasy Syrtqy ister ministrligi Aziia elderi basqarmasynyń attashesi, úshinshi hatshysy. 1996-1999 jyldary - Qazaqstan Respýblikasynyń Koreiadaǵy Elshiliginiń úshinshi, ekinshi hatshysy. 1999-2000 jyldary - Qazaqstan Respýblikasy Syrtqy ister ministrligi Aziia, Taiaý Shyǵys jáne Afrika elderi departamentiniń birinshi hatshysy, Ekijaqty yntymaqtastyq departamentiniń bólim bastyǵy. 2001-2003 jyldary - Qazaqstan Respýblikasynyń Izraildegi Elshiliginiń keńesshisi, QR isteriniń Izraildegi Ýaqytsha senimdi ókili. 2003-2004 jyldary - Qazaqstan Respýblikasy Syrtqy ister vitse-ministri.
2004 jyldan bastap QR Malaiziiadaǵy Tótenshe jáne Ókiletti Elshisi, 2005 jyldan bastap Qazaqstannyń Indoneziiadaǵy, Brýnei Darýssalamdaǵy jáne Filippin Respýblikasyndaǵy Tótenshe jáne ókiletti elshisi qyzmetin qosa atqardy. 2009 jyldan bastap QR-nyń Jenevadaǵy BUU bólimshesindegi jáne basqa da halyqaralyq uiymdardaǵy turaqty ókili, Qazaqstannyń Shveitsariiadaǵy Tótenshe jáne Ókiletti elshisi, elimizdiń Lihtenshtein kiniazdigindegi jáne Vatikan memleketindegi dipmissiiasynyń basshysy mindetin qosa atqarýshy.
2016 jylǵy naýryz aiynan beri QR Syrtqy ister ministriniń birinshi orynbasary qyzmetin atqaryp keldi.
