Qazaqstan Premer-Ministriniń orynbasary – Syrtqy ister ministri Muhtar Tileýberdi Qazaqstanǵa resmi saparymen kelgen Shveitsariia Konfederatsiiasy Federaldyq Jinalysy Ulttyq Keńesiniń Tóraǵasy Andreas Ebimen kezdesti, dep habarlaidy "Ult aqparat" vedomstvonyń resmi saityna silteme jasap.
Taraptar COVID-19 pandemiiasyna qaramastan, Qazaqstan men Shveitsariia ekijaqty kún tártibiniń barlyq spektri boiynsha belsendi ózara is-qimyldy jalǵastyryp jatqanyn qanaǵattanýshylyqpen atap ótti. Joǵary deńgeidegi saiasi dialog ornatylǵan: memleket basshylarynyń mamyr aiynyń sońynda beinekonferentsiia formatyndaǵy kelissózderi, QR Prezidenti Q.Toqaevtyń Shveitsariiaǵa resmi sapary josparlanýda.
Shveitsariia ókiletti biznes-delegatsiiasynyń 2021 jylǵy mamyrdaǵy Qazaqstanǵa saparynyń qorytyndylary jáne Iskerlik Keńestiń qyzmeti talqylandy.
Ekijaqty yntymaqtastyqty nyǵaitýdaǵy parlamenttik diplomatiianyń mańyzdylyǵy atap ótildi. Taraptar «Qazaqstan – Shveitsariia» parlamentaralyq yntymaqtastyq toby aiasynda eki el parlamentshileriniń belsendi ózara is-qimylyn quptady.
Shveitsariia qazirgi ýaqytta Qazaqstan ekonomikasynyń kólemi boiynsha úshinshi investor, onda búginde shveitsariialyq kapitaldyń qatysýymen 400-den astam kompaniia jumys isteidi.
