BUU Bas Assambleiasynyń 74-shi sessiiasy sheńberinde Aziiadaǵy ózara is-qimyl jáne senim sharalary jónindegi keńeske (AÓSShK) múshe memleketter Syrtqy ister ministrleriniń beiresmi kezdesýi ótti, dep habarlaidy "Ult aqparat" SIM baspasóz qyzmetine silteme jasap.
Kezdesý qatysýshylary aǵymdaǵy jyldyń maýsym aiynda Dýshanbe qalasynda ótken AÓSShK 5-shi Sammitiniń qorytyndysyn talqylady, al is-sharanyń deklaratsiiasynda Aziiadaǵy qaýipsizdik pen yntymaqtastyqtyń negizgi máseleleri jónindegi keńes músheleriniń ustanymdary men kózqarastary kórinis tapty, sondai-aq Qazaqstannyń Tuńǵysh Prezidenti - Elbasy Nursultan Nazarbaevtyń AÓSShK negizin qalaýshy retindegi jeke róli jáne onyń Keńes áleýetin arttyrýǵa qosqan eleýli úlesi atap ótildi.
AÓSShK-tegi Qazaqstannyń aldaǵy tóraǵalyǵyna erekshe nazar aýdaryldy. QR Syrtqy ister ministri Muhtar Tileýberdi 2020-2022 jyldary Qazaqstannyń tóraǵalyq etýge keńeste arnalǵan ótinimin biraýyzdan qoldaǵany úshin AÓSShK múshe memleketterine alǵys bildirdi.
Delegatsiia basshylary Qazaqstandy AÓSShK-tiń kelesi tóraǵasy retinde quttyqtap, keńes sheńberinde yntymaqtastyqty damytýdaǵy elimizdiń jetekshi rólin atap ótti.
Ministr óz sózinde AÓSShK-ti damytý kózqarasymen jáne Forýmǵa tóraǵalyq etý kezeńinde Qazaqstannyń nazaryn aýdaratyn basymdyqtarymen bólisti. Olardyń qatarynda – AÓSShK-ti dáiekti institýtsionaldyq damytý, Senim sharalary katalogynyń bes ólsheminiń sheńberinde Forýmnyń qyzmetin mazmundy tolyqtyrý, sondai-aq basqa da halyqaralyq jáne óńirlik institýttarmen ózara is-qimyldy odan ári kúsheitý.
AÓSShK qyzmetiniń qazirgi zamanǵy syn-qaterler jaǵdaiynda joǵary ózektiligi jáne zor ekonomikalyq jáne adami áleýetke ie Aziiadaǵy qaýipsizdik pen ózara bailanysty nyǵaitý úshin óńirlik kooperatsiianyń tiimdi platformasy retindegi mańyzdylyǵy atap ótildi.
1992 jylǵy 5 qazanda Qazaqstannyń Tuńǵysh Prezidenti – Elbasy N.Nazarbaev Aziiadaǵy qaýipsizdik problemalary boiynsha konsensýs negizinde dialog, konsýltatsiialar, sheshimder qabyldaý jáne sharalardy júzege asyrý úshin memleketaralyq forým bolyp tabylatyn AÓSShK-ti shaqyrýǵa bastama jasady. Búgingi tańda AÓSShK-ke Aziianyń 27 memleketi múshe, 8 el men 5 halyqaralyq uiym baqylaýshy bolyp tabylady.
