Eldiń ekonomikasyn bular tonap-búldirip tastady. Endi olar ekonomikany túzete almaidy. Men buny baiaǵyda túsindim. Qandai saýatty maman bolsa da júrekte ulttyq ot jańyp turmasa - istiń bári bos, dalbasa. Kókireginde taza niet joq bolsa qaitesiń?
Sondyqtan 1 qyrkúiekten bastap - jańa saiasi maýsymda - Úkimet pen Parlamenttyń túgel otyrystary memlekettik-qazaq tilinde ótý kerek. Jerkomnyń otyrystary taza qazaq tilinde ótip aqyry nátijesin ákeldi. Óitkeni qazaq tili - ol demokratiia men ádilettiktiń tili. Qazaqsha sóilep turyp sol qazaq halqyna ziian sheshimdi qabyldaý qiyn bolady.
Sońǵy 10-15 jyldyń ishinde eldiń demografiiasy qaǵida turǵysynda ózgerip ketti. Qazaqstandyqtar qazaq tildi halqyna ainalyp ketti. Sol sebeppen qazaq tilin bilmeitin Úkimettiń músheleri jáne sondai parlament depýtattary oryndaryn óz erkimen bosatyp ketý kerek. Jańa ministrler men depýttar prezident siiaqty qazaq tilinen kádimgi emtihan tapsyrsyn. Boldy, ondai kez keldi.
Áiteýir, bul Úkimet pen Parlament Qazaqstannyń okkýpatsiialyq organdar bolmasa bul memlekettiń tilinde sóilesin. Al sóilese almaityndar ketsin, olardyń kezi ótti. Zaman ózgerdi.
Muhtar Taijannyń feisbýktegi jazbasynan
