Eń birinshiden, meniń osyndaǵy erkin pikir ieleriniń eshqaisysyna zəredei ókpem joq. Keshegi dombyranyń daýyna sebepshi bolyp, sizderge qiyndyq týdyrsam, keshirim ótinemin.
Meni dinniń teris aǵymdarymen bailanystyrýshylarǵa aitarym: qurǵaq sóz - dəlelge júrmeidi. Meniń qysqa balaǵymmen júrgen sýretimdi, dini arazdyq týdyratyn sózimdi basqa da sektalyq sipatymdy kórgen adam aitsyn, qalǵan kisilerdiń júiesiz sózi iesin tabar.
Aitysqa keler bolsaq, el qatarly eki kún osy aitys úshin ter tógip baqtyq. Bilik - qazydan bolǵanymen, rizyq - Alladan. Aitystyń aldyndaǵy psihologiialyq aýyrtpashylyqtardy aityskerler ǵana sezine alady. Eger Bolatbek kelip kózime qarap turyp, "Make, seniki - ədiletsiz júlde, men shynymen laiyqtymyn" dese, sóz basqa. Bul - "Bolatbek laiyq emes" degen sózim emes, tek ol jigittiń ózi de keibir kisiler oilaǵandai ədiletsizdik oryn almaǵanyn jaqsy sezedi. Azamattyq parasaty biik jigit qoi. Túnde ǵana habarlasyp, bul sheshimge razy ekenin, ol týraly arnaiy post jazatynyn aitty. Biz buǵan deiin de dos, baýyr bolǵanbyz, budan keiin de sol syilastyqta qala beremiz. Jiyrma aqynnyń óz biigi bar, qazylardyń kəsibi deńgeii bar. Júkeńniń sheshimi solai bolyp kelse, meniń qandai kinəm bolýy múmkin. Sol qatysqan jiyrma aqynnyń on besi "Muhtar laiyqsyz aldy" dese, men de oilanyp qalar edim. Óitkeni aitystyń ne ekenin júz paiyzǵa biledi olar. Bul aqtalý emes, sonsha oilarǵa qatysty óz pikirimdi bildirý ǵana. Barlyq júldeger baýyrlarymdy quttyqtaimyn.
