Muhtar Áýezov atyndaǵy Qazaq drama teatryna jańa direktor bolyp Ashat Maksimuly Maemirov taǵaiyndaldy, - dep habarlaidy "Ult aqparat".
Ashat Maksimuly Maemirov – Qazaqstannyń eńbek sińirgen qairatkeri, filosofiia ǵylymdarynyń doktory (PhD), «Bolashaq» Prezidenttik stipendiiasynyń iegeri, T.Júrgenov atyndaǵy Qazaq ulttyq óner akademiiasynyń túlegi. 2008 jyly Sorbona ýniversitetiniń magistratýrasynda bilim alyp, Frantsiiadaǵy Parij Ulttyq drama óneri konservatoriiasynda taǵylymdamadan ótken. 2010 jyly Máskeýdiń ataqty joǵarǵy oqý orny GITIS-te - Resei teatr óneri akademiiasynda «Rejissýra magistri» ǵylymi ataǵyn aldy. 2015 jyly T.Júrgenov atyndaǵy Qazaq Ulttyq óner akademiiasynyń doktorantýrasyn támamdap, «Qazaqstannyń teatr rejissýrasy: sabaqtastyq pen jańashyldyq (1991-2015 jj.)» taqyrybynda doktorlyq dissertatsiiasyn qorǵap, «Filosofiia doktory» ǵylymi dárejesine ie boldy.
Eńbek jolyn Batys Qazaqstan oblystyq qazaq drama teatrynda rejisser bolyp bastady. Qurmanǵazy atyndaǵy Oral mýzykalyq kolledjinde «Akterlik óner» bóliminiń meńgerýshisi, T. Júrgenov atyndaǵy Qazaq ulttyq óner akademiiasynyń «Teatr óneri» fakýltetiniń dekany, T. Júrgenov atyndaǵy Qazaq ulttyq óner akademiiasynyń «Akter sheberligi jáne rejissýra» kafedrasynyń dotsenti boldy. Shyǵarmashylyq jumystarynan bólek, ónertaný boiynsha filosofiia doktory retinde ǵylymi izdenis jumystarynyń sheńberi - zamanaýi rejissýradaǵy dástúr men jańashyldyq úrdisteri, qazirgi zamanǵy teatr óneriniń damý tendentsiialary syndy taqyryptardy qamtidy.
Otandyq mádeniettiń qazirgi zamanǵy úzdik art-menedjerleri qataryna kiredi. Elimizdiń mádeniet pen óner salasyndaǵy belgili uiymdar – «Qazaqstannyń rýhani qory» AQ, «Qazaq áýenderi» AQ jetekshilik etti. 2017 jyly qazaqstandyq mádeniettiń kósh basyndaǵy eń iri mýzykalyq ujymdardyń biri – «Qazaqkontsert» memlekettik kontserttik uiymyn basqardy. Elordalyq «Astana miýzikl» teatrynyń kórkemdik jetekshisi jáne Qazaqstan teatrlar assotsiatsiiasynyń vitse-prezidenti bolyp tabylady.
Ashat Maemirovtyń shyǵarmashylyq qyzmeti teatr ónerimen bailanysty. Ol Ǵ.Músirepov atyndaǵy Qazaqtyń memlekettik akademiialyq balalar men jasóspirimder teatrynda «Qara shekpen» (G. Hýgaev), M.Áýezov atyndaǵy teatrda «Qoshtasqym kelmeidi» (A.Volodin), «Ulym saǵan aitam» (B.Bedelhan) atty spektaklderdiń, Abai atyndaǵy memlekettik akademiialyq opera jáne balet teatrynda S.Muhamedjanvtyń «Aisulý» operasy, «Astana Opera» teatrynda «Qyzjibek» operasyn sahnalaýǵa at salysty. Sonymen birge «Romeo men Djýletta» (J.Presgýrvik), «Qyz Jibek» (E.Brýsilovskii), «Astana» (B.Ǵafý, A.Orenbýrgskii) atty qazaqstandyq miýziklderdiń qoiýshy rejisseri retinde tanyldy.
Eske salaiyq, 7 aqpanda Muhtar Áýezov atyndaǵy Qazaq drama teatrynyń burynǵy direktory Erlan Bilálge qatysty sot úkimi shyqqan edi.
"Sot Erlan Biláldi QR Qylmystyq kodeksiniń 24-babynyń 3-bóligi jáne 366-baby boiynsha aiypty dep tanyp, 52 500 000 teńge kóleminde aiyppul salý týraly úkim shyǵarady", - dep oqydy úkimdi sýdia.
Sondai-aq, sot Biláldi memlekettik qyzmetterge ornalasý quqyǵynan ómir boiyna aiyrdy. Munymen qatar, sýdia sottalýshynyń "Qazaqstannyń eńbek sińirgen qairatkeri" ataǵynan aiyrý týraly usynys joldanatynyn málimdedi.
Oǵan QR Qylmystyq kodeksiniń 24-babynyń 3-bóligi jáne 366-babynyń 2-bóligi "Para alýǵa oqtalý" boiynsha aiyp taǵyldy. Sotqa deiingi tergeý organynyń málimeti boiynsha, Bilál "Sezam" qoǵamdyq qaiyrymdylyq shyǵarmashylyq qorynyń prezidenti Qairat Baianovtan Áýezov teatrynyń qabyrǵasynda jańajyldyq qoiylymdar qoiý úshin 1,5 million teńge para almaq bolǵan.
