Sýret: primeminister.kz
Sybailas jemqoryqqa qarsy is-qimyl agenttigi eks-ministr Arystanbek Muhamediulyna qatysty sotta qaralyp jatqan isterdi jariialady, dep habarlaidy Sputnik Qazaqstan.
Agenttiktiń resmi ókili Arman Tileýkenovtyń aitýynsha, biýdjet qarajatyn asa iri kólemde jymqyrýǵa qatysty taǵy birqatar fakti anyqtaldy.
"Sondai-aq joǵary sporttyq sheberlik mektebin zańsyz jekeshelendirý, qonaq úidi reiderlik jolmen tartyp alý jáne para alýǵa oqtalý boiynsha tergeý júrgizildi. Qazirgi kezde osynyń bári sotta qaralyp jatyr", - dedi Tileýkenov búgingi brifingte.
Budan bólek, eks-ministrdiń Almaty oblysynda tarihi film túsirý úshin salynǵan qalashyqty arzan baǵaǵa satýǵa qatysy bar-joǵy tekserilip jatyr.
Aita keteri, buǵan deiin Ulttyq mýzeidiń direktory Arystanbek Muhamediuly men onyń syibailastaryna úkim shyǵarylǵan bolatyn. Sot sheshimi boiynsha Muhamediuly 8 jylǵa bas bostandyǵynan aiyryldy. Ol jazasyn qaýipsizdigi ortasha mekemede óteidi.
