Qoǵamdyq mańyzy bar ádebietter úshin qalamaqy kólemi artady. Bul týraly búgin Senatta Mádeniet jáne sport ministri Arystanbek Muhamediuly málim etti, dep habarlaidy QazAqparat.
«Biz qazirgi kezde kitaptardy shyǵaryp jatyrmyz, avtor bólgen qarjattyń 10 paiyzyn alady. Iaǵni avtorǵa 300-450 myń teńge kóleminde tiesili bolady. Sol sebepti jazýshylyqpen ainalysý tiimsiz. Ol kitapty shamamen 5-6 jyl jazyp, nátijesinde alatyn eńbekaqysy 350 myń teńgeni qamtidy. Nege dúken sórelerinde qazaq avtorlarynyń kitaby joq? Shynynda, qazir syily ári qurmetti aǵalarymyz jazyp jatyr, al jastardyń asa yntasy joq. Óitkeni 350 myń teńge somasyndaǵy qalamaqy tym az», - dep túsindirdi ministr «Qazaqstan Respýblikasynyń keibir zańnamalyq aktilerine mádeniet máseleleri boiynsha ózgerister men tolyqtyrýlar engizý týraly» zań jobasyn talqylaý kezinde.
Onyń sózine qaraǵanda, osy zań jobasyna bailanysty mańyzy bar qajetti ádebietterge tapsyrys beriledi. Bul turǵyda qalamaqy máselesi múldem basqasha retteledi, iaǵni ony qoǵamdyq keńes sheshedi. Keńes quramyna depýtattar, qoǵam qairatkerleri kiredi. «Zań jobasy aiasynda qalamaqy máselesi sheshilse, árine jazýshylardyń jaǵdaiy múldem basqasha bolady. Olardyń eńbekaqysy edáýir jaqsarar edi»,-dedi Muhamedily.
