27 naýryz – halyqaralyq teatr kúni. Osy oraida jýrnalister Úkimet otyrysynan keiin Mádeniet jáne sport ministri Arystanbek Muhamediulynan teatr ártisteri men direktorlarynyń ortasha jalaqysy týraly surady, dep habarlaidy "Ult aqparat" Baq.kz agenttigine silteme jasap.
Ol qazirgi ýaqytta teatrǵa keletin kórermenderdiń kóp ekenin, ár spektakldiń 90%-ynda zal lyq toly bolatynyn atap ótti.
«Teatr ártisteriniń jalaqysy 80-nen 140-myńǵa deiin jáne biletten túsken aqshaǵa ár teatr qosymsha jalaqy tólep otyr. Teatr órkendep jatyr, al halyq teatrǵa jaqsy barady. Ortasha jalaqy 130-140 myń dep oilaimyn», - dedi ol.
Ministrdiń oiynsha teatr direktorynyń da jalaqysy osy shamada.
«Olarda da 130-140 myń. Qazaqstannyń Eńbek sińirgen qairatkerine qosylady, sodan keiin olardyń jumys ótili bar, jeke rejisserlik qoiylymdar qoiady. Olardyń jalaqysy birshama azamatqa qaraǵanda joǵary», - dedi Arystanbek Muhamediuly Úkimet otyrysynan keiingi kýlýarda.
