Mádeniet jáne sport ministri Arystanbek Muhamediuly "Rýhani Jańǵyrý" baǵdarlamasynyń tósbelgisin maqtanyshpen taǵyp júr.
"Bul belgini men shyn júrekten, maqtanyshpen taǵyp júrmin. Óte ádemi, tartymdy. Menińshe, uialatyn eshteńe joq. Emblema rýhty, alǵa ilgerileýshilikti beineleidi. Ózderińiz kórip turǵandai, eki sýret bir-birine júz paiyz uqsamaidy. Ózim qaradym. Ushqan qusta sál uqsastyq bar, biraq tústeri ártúrli. Qara aspandy tóndirip, bireýdi kóshirip aldy dep aiyptaýdyń reti joq", — dep pikir bildirdi Arystanbek Muhamediuly Sputnik agenttigine.
Muhamediuly "otandastarymyzdyń joq jerden kiná taýyp, aiyptai bastaityn" qasietin baiqaǵan eken.
"Samal Esliamova qaharman qyz boldy. Bizdkiler: "Reseilik rejisserdiń arqasynda" dep jazady. Sergei Dvortsevoi qazaq rejisserimin dese de, bilgeninshe jaza beredi. Dimash Qudaibergen Qytaida ǵana ártis bolyp qalyptasty deidi. Dimash Qazaqstanda oqyp, bilim alyp júrgenin aitpaidy. Sanamyzǵa ózgeler jaqsy degen oi sińip alǵan. Toqtatý kerek", — deidi ministr.
Qaznette "Rýhani Jańǵyrý" baǵdarlamasynyń logotipi frantsýz uiymynyń sýretine qatty uqsaityny týraly málimet taraǵan bolatyn.
Aqparat jáne kommýnikatsiialar ministri Dáýren Abaev plagiat jasaldy degen pikirmen kelispeidi.
