Mádeniet jáne sport ministri Arystanbek Muhamediuly jaqynda sottalǵan tanymal ánshi Gaýhar Álimbekovanyń kinásiz ekenine senetinin málim etti, dep habarlaidy Baq.kz agenttigi.
«Gaýhar Álimbekovanyń advokatymen sóilestik. Onyń alaiaqtyń qurbany bolǵanyna senemin», - dedi ol Úkimet otyrysynan soń.
Osy oraida Arystanbek Muhamediuly ánshiniń bostandyqqa shyǵýy úshin 40 myń dollardy jinaýǵa kómekteskenin atap ótti.
«Aldymen 40 myń dollardy tóleý kerek boldy. Qazaqstan ártisteri birigip, osy somany jinaiyq dep úndeý jasady. Árine, men de oǵan qatystym. Osy somany tólegennen keiin jábirlenýshi aryzyn qaitaryp alady», - dedi ministr.
Aita keteiik, keshe, 4 aqpanda ánshi sot úkimi kúshine engenge deiin qolhatpen bosatyldy. Qazirgi tańda Gaýhar Álimbekova úiqamaqta bolady.
Osy jyldyń 30 qańtarda Almaty qalasy Almaly aýdandyq soty ánshini alaiaqtyq jasaǵany úshin kináli dep taýyp, 6 jylǵa bas bostandyǵynan aiyrǵan.
