QR Ulttyq akademiialyq kitaphanasynda belgili ǵalymdardyń izdenisteri men birlese eńbek etýiniń arqasynda jaryqqa shyqqan «Muqaǵali tiliniń sózdigi» atty kitaptyń tusaýkeseri ótti, – dep habarlaidy «Ult aqparat».
Kitapty qurastyrýshylar elimizge tanymal ǵalymdar Baiynqol Qaliuly Qaliev, Janseiit Qanseiituly Túimebaev, Sherýbai Qurmanbaiuly, Sábira Saǵynbekqyzy Isakova.
Sózdikke pikir jazǵan ǵalymdardyń biri Ádil Ahmetov kitap jaily málmettermen bólisti.
Sózdikte aqiyq aqyn Muqaǵali Maqataevtyń 5 tomdyq shyǵarmalar jinaǵynda bar 13348 sóz ben 5035 turaqty tirkes túgel qamtylyp, olardyń qaitalanyp qoldanylǵan sany (282 myń) kórsetilgen. Tildik birlikterdiń árqaisysyna anyqtamalar berilip, mysaldar keltirilgen. Sol arqyly Muqaǵalidyń qazaq ádebi tiline qosqan úlesi men orny aiqyndalǵan, - deidi Ádil Ahmetov.
Kitapty qurastyrýshylar bul sózdiktiń ereksheligin aitty.
Bul sózdik – bir sózdik emes, ol túsindirme sózdik pen jiilik sózdikterdiń qosyndysynan turatyn jiyntyq (sintezdik) sózdik. Iaǵni eki túrli sózdiktiń birliginen quralǵan sózdik, - deidi sózdikti qurastyrýshylardyń biri Sherýbai Qurmanbaiuly.
Eńbek til bilimi qyzmetkerleri men qazaq tili mamandaryna, magistranttar men doktoranttarǵa jáne mektep muǵalimderi men muqaǵalitanýshylarǵa arnalady.
Kitaptyń tusaýkeserine Memleket qairatkeri, ǵalym, filologiia ǵylymynyń doktory, professor Myrzatai Joldasbek, elshi-diplomat, ǵalym Ádil Ahmetov, qytaitanýshy ǵalym Dúken Másimhanuly, t.b. el aǵalary men jazýshy, ǵalymdar, stýdenter men BAQ ókilderi qatysty.
