Belgili rejisser Bolat Qalymbetovtyń «Muqaǵali» filmi 7-11 qyrkúiek aralyǵynda Qazan qalasynda ótetin XVIII Halyqaralyq musylman kinosy kinofestivaliniń negizgi baiqaýyna qatysady, dep habarlaidy QazAqparat.
Tatarstanda ótetin Qazan kinofestivaliniń irikteý komissiiasy tóraǵasy Nina Kocheliaevanyń aitýynsha, biyl baiqaýǵa qatysýǵa birneshe memleketten ótinim kelip túsken.
Nátijesinde negizgi tolyqmetrajdy filmder baiqaýyna 10 film iriktelip alyndy, onyń ishinde Túrkiia, Qazaqstan, Úndistan, Iran, Bangladesh, Resei, Mysyr, Shri-Lanka memleketteriniń týyndylary, sondai-aq eki el birlesip túsirilgen 2 týyndy bar.
Jalpy biyl 44 elden 625 ótinim túsken.
Sonymen qatar, Qazan kinofestivali sheńberine ekinshi ret kino naryq uiymdastyrylyp, daryndy kinogerlerge ózderiniń jobalaryn iske asyrýǵa múmkindik beretin halyqaralyq pitching (stsenariiler baiqaýy) ótkiziledi.
Aita keteiik, QR Mádeniet jáne sport ministrligi tapsyrysy boiynsha Sh.Aimanov atyndaǵy «Qazaqfilm» kinostýdiiasy túsirgen kinotýyndy qazaqtyń aqiyq aqyny Muqaǵali Maqataev ómiriniń sońǵy jyldary týraly baiandaidy.
Buǵan deiin film Tallindegi «A» sanatyndaǵy 25-shi halyqaralyq «Qarańǵy túnder» kinofestivalinde kórsetilip, qazylar alqasynyń arnaiy júldesine ie bolǵan.
Biyl naýryz aiynda bul film Úndistandaǵy halyqaralyq Kerala festivali aiasynda kórsetilgen edi.
