بەلگٸلٸ رەجيسسەر بولات قالىمبەتوۆتىڭ «مۇقاعالي» فيلمٸ 7-11 قىركٷيەك ارالىعىندا قازان قالاسىندا ٶتەتٸن XVIII حالىقارالىق مۇسىلمان كينوسى كينوفەستيۆالٸنٸڭ نەگٸزگٸ بايقاۋىنا قاتىسادى, دەپ حابارلايدى قازاقپارات.
تاتارستاندا ٶتەتٸن قازان كينوفەستيۆالٸنٸڭ ٸرٸكتەۋ كوميسسيياسى تٶراعاسى نينا كوچەلياەۆانىڭ ايتۋىنشا, بيىل بايقاۋعا قاتىسۋعا بٸرنەشە مەملەكەتتەن ٶتٸنٸم كەلٸپ تٷسكەن.
نەتيجەسٸندە نەگٸزگٸ تولىقمەتراجدى فيلمدەر بايقاۋىنا 10 فيلم ٸرٸكتەلٸپ الىندى, ونىڭ ٸشٸندە تٷركييا, قازاقستان, ٷندٸستان, يران, بانگلادەش, رەسەي, مىسىر, شري-لانكا مەملەكەتتەرٸنٸڭ تۋىندىلارى, سونداي-اق ەكٸ ەل بٸرلەسٸپ تٷسٸرٸلگەن 2 تۋىندى بار.
جالپى بيىل 44 ەلدەن 625 ٶتٸنٸم تٷسكەن.
سونىمەن قاتار, قازان كينوفەستيۆالٸ شەڭبەرٸنە ەكٸنشٸ رەت كينو نارىق ۇيىمداستىرىلىپ, دارىندى كينوگەرلەرگە ٶزدەرٸنٸڭ جوبالارىن ٸسكە اسىرۋعا مٷمكٸندٸك بەرەتٸن حالىقارالىق پيتچينگ (ستسەنارييلەر بايقاۋى) ٶتكٸزٸلەدٸ.
ايتا كەتەيٸك, قر مەدەنيەت جەنە سپورت مينيسترلٸگٸ تاپسىرىسى بويىنشا ش.ايمانوۆ اتىنداعى «قازاقفيلم» كينوستۋديياسى تٷسٸرگەن كينوتۋىندى قازاقتىڭ اقيىق اقىنى مۇقاعالي ماقاتاەۆ ٶمٸرٸنٸڭ سوڭعى جىلدارى تۋرالى باياندايدى.
بۇعان دەيٸن فيلم تالليندەگٸ «ا» ساناتىنداعى 25-شٸ حالىقارالىق «قاراڭعى تٷندەر» كينوفەستيۆالٸندە كٶرسەتٸلٸپ, قازىلار القاسىنىڭ ارنايى جٷلدەسٸنە يە بولعان.
بيىل ناۋرىز ايىندا بۇل فيلم ٷندٸستانداعى حالىقارالىق كەرالا فەستيۆالٸ اياسىندا كٶرسەتٸلگەن ەدٸ.
