Foto: iz.ru
Qazaqstanda ómirlik qiyn jaǵdaiǵa tap bolǵan azamattardy qoldaý tetikteri jetildirilmek. Eńbek jáne halyqty áleýmettik qorǵaý ministrligi komada jatqan naýqastar úshin múgedektik rásimdeý tártibin jeńildetýdi usynyp otyr, dep habarlaidy Ult.kz.
Jańa túzetýler meditsinalyq-áleýmettik saraptama júrgizý jáne memlekettik tólemderdi taǵaiyndaý qaǵidalaryna engizilmek. Negizgi maqsat – artyq biýrokratiialyq kedergilerdi azaityp, áleýmettik qoldaý sharalaryna qoljetimdilikti arttyrý.
Usynylǵan ózgeristerge sáikes, endi komada jatqan naýqastyń atynan meditsinalyq-áleýmettik saraptamaǵa ótinishti onyń jaqyn týystary nemese jubaiy bere alady. Buǵan deiin bul rásimder kúrdeli ári uzaq ýaqytty talap etetin.
Jańashyldyq:
– múgedektik mártebesin jedel belgileýge;
– memlekettik járdemaqylardy ýaqytyly rásimdeýge;
– áleýmettik kómekti alý protsesin jeńil ári ashyq etýge múmkindik beredi.
Qazirgi ýaqytta buiryq jobasy «Ashyq NQA» portalynda qoǵamdyq talqylaýǵa shyǵarylǵan. Mamandar bul bastama osal toptaǵy azamattardyń quqyqtaryn qorǵaýdy kúsheitip, áleýmettik júieniń tiimdiligin arttyrady dep esepteidi.
