Parlament Májilisi «Saiasi partiialar týraly» Qazaqstan Respýblikasynyń Zańyna ózgeris engizý týraly» zań jobasyn maquldady, dep habarlaidy QazAqparat.
Zań jobasyn qabyldaýdyń maqsaty - kvotalanatyn sanattardy oǵan múgedektigi bar adamdardy engize otyryp keńeitý. Áielderdi, jastardy jáne múgedektigi bar adamdardy eldegi saiasi máselelerge belsendi tartý norma shyǵarý protsesine qatysý arqyly eldiń neǵurlym osal jáne problemalyq máselelerin sheshýde osy sanattardyń pikirin eskerýge múmkindik beredi.
«Usynylyp otyrǵan zań jobasy áielder men jastarmen qatar, sondai-aq múgedektigi bar adamdardy partiialyq tizimderge mindetti túrde engizýdi kózdeidi. Bul Memleket basshysynyń kvotalanatyn sanattardy keńeitý jónindegi tapsyrmasyn iske asyrýǵa bailanysty. Oǵan sáikes «Sailaý týraly» Konstitýtsiialyq zańnan basqa, «Saiasi partiialar týraly» Zańǵa tiisti túzetýler engizý qajet», - dedi QR Ádilet ministri Qanat Mýsin.
Májilistiń Zańnama jáne sot-quqyqtyq reforma komitetiniń málimetinshe, budan basqa, depýtattyq mandattardy bólý kezinde áielderdi, jastardy jáne múgedektigi bar adamdardy mindetti túrde qosý áleýmettik artyqshylyqtarǵa ie. Sonymen, saiasi laýazymnyń osy sanattarymen ainalysý áleýmettik-saiasi, quqyqtyq máselelerdi sheshýde olardyń pikirlerin eskerýge múmkindik beredi. Ómirdiń barlyq salalaryndaǵy belsendilikti jáne qoǵamnyń odan ári áleýmettik-ekonomikalyq damýyn arttyrady.
Budan buryn habarlanǵandai, Májilis «Qazaqstan Respýblikasyndaǵy sailaý týraly» Qazaqstan Respýblikasynyń Konstitýtsiialyq zańyna ózgerister men tolyqtyrýlar engizý týraly» Qazaqstan Respýblikasy Konstitýtsiialyq zań jobasyn maquldady.
