Qazaqstanda múgedektigi bar adamdy jumysqa alǵan kásiporynǵa toqsanyna 42,5 myń teńge ótemaqy jarnasy engizý josparlanyp otyr. Bul týraly QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy QazAqparat.
Senatta ótken áleýmettik kásipkerlermen kezdesý barysynda Birjan Nurymbetov Eńbek ministrligi múgedektigi bar tulǵalarǵa arnalǵan zańnamaǵa túzetýler toptamasyn ázirlegenin aitty.
«Olardyń biri osy sanattaǵy azamattarǵa arnalǵan jumys oryndary kvotasyn iske asyrýdy yntalandyrýǵa baǵyttalǵan. Osylaisha, balamaly nusqa – toqsanyna 1 eń tómengi jalaqy mólsherinde nemese 42,5 myń teńge ótemaqy jarnasyn engizý josparlanýda. Bul shara múgedektigi bar tulǵalardy áleýmettik jaýapty kásiporyndar arasynda jumysqa ornalastyrýǵa baǵyttalady», - dedi ol.
Sondai-aq ministrdiń aitýynsha, múgedektigi bar adamdardy jumysqa ornalastyratyn jeke HR-agenttikterdiń qyzmetine tólenetin aqyny ulǵaitý josparlanyp otyr.
