Qaraǵandy oblysy Politsiia departamenti bastyǵynyń orynbasary Erlan Baijenovten "múgedekterge aqshany qaitarýdy" talap etken er adam politsiia ǵimaratynyń janynda ózin-ózi órtep jiberetinin aitty, - dep habarlaidy Tengrinews.kz agenttigi.
Áleýmettik jelide taraǵan videolardan er adamnyń qolynda kanistr men gaz ottyǵy baryn kórýge bolady. Ol ǵimarttan Baijenovtiń shyǵýyn talap etken.
Ózin-ózi órtep jiberetinin aitqan er adammen azamattyq kiimdegi ekinshi bir er adam sóilesip, onyń qoǵamdyq tártipti buzǵanyn túsindirip jatyr.
Oblystyq Tótenshe jaǵdailar departamentiniń baspasóz qyzmeti politsiianyń buiryǵymen oqiǵa ornyna qutqarýshylar jetip, GPS-600 bóshkesin toltyrǵanyn, sodan keiin politsiia qyzmetkerleri er adamdy ustaǵanyn habarlady.
"Bizdiń qyzmetkerler tógilgen janar-jaǵarmaidyń janýyn joidy. Toǵyz qyzmetker men eki tehnika jumyldyryldy", - dep habarlady Qaraǵandy oblysy Tótenshe jaǵdailar departamentiniń baspasóz qyzmeti.
Oqiǵanyń egjei-tegjeiin oblystyq Politsiia departamenti de taratty. Vedomstvo er adamnyń zardap shekpegenin aitty. Ol politsiiaǵa jetkizilgen.
"Onymen oblystyq jol politsiiasy basqarmasy bastyǵynyń orynbasarlarynyń biri kelissóz júrgizýge tyrysty. Ol óz áreketimen ainaladaǵylarǵa qaýip tóndiretin agressivti áreket etti", - dep habarlady baspasóz qyzmeti.
Basqarma ózin-ózi órteý áreketine sebep bolǵan azamattyq daýdyń jai-japsaryn da jariialady.
Vedomstvo málimetinshe, biyl aqpanda "Jan Dos" qoǵamdyq birlestigi Qaraǵandy qalalyq IIB aýmaqtarynyń qorshaýlaryn aýystyrý boiynsha tenderdi jeńip alǵan. Politsei merdiger óz jumysyn nashar oryndaǵanyn aitady. Politsiia departamentiniń zańgerleri sotqa shaǵymdanyp, kúdiktini 30 qarashaǵa deiin barlyq kemshilikterdi joiýdy mindettegen. Alaida sottalýshy olardy joimaǵan.
"6 jeltoqsanda "Jan Dos" úkimettik emes uiymynyń jetkizýshisimen kelisimshart birjaqty buzyldy. Oǵan memlekettik satyp alý týraly jasalǵan sharttar boiynsha óz mindettemelerin oryndamaý sebep boldy. Qazirgi ýaqytta material sotta qaralyp jatyr. Is boiynsha sot otyrysy 14 jeltoqsanǵa belgilendi", - dep qosty baspasóz qyzmetinen.
