Tegin meditsinalyq kómek aiasynda áleýmettik osal toptar men qorǵalmaǵan adamdar, onyń ishinde múgedekter diagnostikalyq zertteýdiń qymbat túrlerin alýǵa quqyǵy bar. Bul týraly QR Densaýlyq saqtaý ministri Eljan Birtanov Úkimet otyrysynda málim etti, dep habarlaidy Baq.kz tilshisi.
Onyń aitýynsha, múgedekterge meditsinalyq kómek kórsetý densaýlyq jáne densaýlyq saqtaý júiesi týraly QR Kodeksiniń 34 babyna sáikes tegin meditsinalyq kómektiń kepildik berilgen kómeginiń sheńberinde júzege asyrylady.
«Meditsinalyq uiymdy erkin tańdaý qaǵidaty boiynsha olar kez-kelgen meditsinalyq uiymda amblýatoriialyq jáne stotsionarlyq meditsinalyq kómek alýǵa quqyǵy bar. Amblýatoriialyq emhanalyq kómek kórsetý kezinde dárimen qamtamasyz etýde bekitilgen dárilik zattardyń tizbesine sáikes júzege asyrylady. Tegin meditsinalyq kómektiń aiasynda áleýmettik osal toptar men qorǵalmaǵan adamdar, onyń ishinde múgedekter diagnostikalyq zertteýdiń qymbat túrlerin alýǵa quqyǵy bar», - deidi ol.
Sonymen qatar ol, halyqqa meditsinalyq ońaltýdy kórsetýdi uiymdastyrý bekitilgen standarttaryna jáne qalpyna keltirý emi men meditsinalyq ońaltý qaǵidalaryna sai júrgiziletinin jetkizdi. Jáne ol kezeń-kezeńimen tegin meditsinalyq kómek kepildik kóleminde kórsetiledi eken.
«Qazirgi ýaqytta elimizde 192 qalpyna keltirý emi jáne meditsinalyq ońaltý uiymdary jumys isteidi. Olardyń 129-y memlekettik jáne 63-i jeke menshik uiymdar. 2017 jyldyń qorytyndysy boiynsha bekitilgen normativ 25-ke teń bolǵan kezde halyqtyń ońaltý tósektermen qamtamasyz etilýi 10 myń adamǵa shaqqanda barlyǵy 1,4 tósekti qurady. Bul rette ońaltý jáne qalpyna keltirý emderimen qamtamasyz etýdiń aitarlyqtai jetkiliksiz bolýy baiqalady. Qazir jeke menshik áriptestik sheńberinde 3 ońaltý ortalyǵy ashyldy, sondai-aq 18,7 mlrd teńge somasynda 5 jergilikti memlekettik jeke menshik áriptestik jobalary josparlanyp otyr. Osyǵan bailanysty oblystardyń jáne Astana, Almaty, Shymkent qalalarynyń ákimderi ońaltý kómeginiń qoljetimdigin jaqsartý úshin qosymsha ońaltý ortalyqtaryn ashý jónindegi qajetti sharalar qabyldaýy qajet», - deidi ministr.
Jiyn barysynda ol, densaýlyq saqtaý uiymdarynda múgedekterdiń meditsinalyq qyzmetterdi erkin alý úshin kedergisiz orta qurý boiynsha sharalar qabyldanyp jatqandyǵyn atsityp ótti.
«Monitoring pen baqylaýdy Eńbek áleýmettik qorǵaý jáne kóshi-qon komiteti júzege asyrady. Sonymen qatar, ákimdikterdiń densaýlyq saqtaý uiymdarynda múmkindigi shekteýli azamattar úshin kedergisiz orta qurý basymdyǵyna nazar aýdarý qajet. Meditsinalyq áleýmettik saraptamany Eńbek áleýetti qorǵaý jáne kóshi-qon komietetiniń aýmaqtyq bólimsheleri amblýatoriialyq emhanalyq uiymnyń joldamasy boiynsha júrgizedi», - dedi ol.
Sondai-aq ol, memlekettik qyzmetti avtomattandyrý aiasynda Eńbek ministrliginiń aqparattyq júielerin jáne Densaýlyq saqtaý ministrligimen integratsiialaý jónindegi pilottyq jobasy iske asyrylyp jatqanyn aityp ótti.
«Bul qyzmet berýshimen, qyzmet alýshynyń bailanysyn boldyrmańǵa jáne memlekettik qyzmetti kórsetý ýaqytyn qysqartýǵa múmkindik beredi. Sonymen birge, meditsinalyq áleýmettik saraptamaǵa jiberý kezinde naýqastardyń keibir sanattary úshin birneshe problemalar bar, olardyń obektivtik mártebesine, diagnozyna jáne aýrý aǵymynyń erekshelikterine sáikes kelmeitin múgedektiktiń qaita kýálandyrýdyń nemese ómir boiy berýdiń qysqa merzimderi belgilengen. Sonymen qatar beiimdi mamandardyń qajetti zerttep, qaraýymen konsýltatsiia tizbesiniń úlken kólemi bul naýqastyń baǵytyn qiyndatady jáne uzartady. Osyǵan bailanysty múgedek toby jáne kásiptik eńbekke qabilettilik deńgeiiniń dárejesin qaita kýálandyrý merziminsiz belgilenetin qaitymsyz onatomiialyq aqaýlardyń tizbesin keńeitýdi usynamyz», - deidi ol.
