Muǵalimge gúl syilaý jemqorlyq retinde sanala ma? Bul saýalǵa QR Bilim jáne ǵylym ministri Ashat Aimaǵambetov jaýap berdi, dep habarlaidy "Ult aqparat".
Otandyq telearnalardyń birine bergen suqbat barysynda Bilim jáne ǵylym ministri sońǵy qońyraý jaqyndaǵan sátte áleýmettik jelide «muǵalimderge gúl syilaý jemqorlyq sanalady» degen syndy pikirlerdiń órship ketýine bailanysty pikir bildirdi.
Muǵalimderge gúl syilaý jemqorlyq dep sanalady... Olai sanaityn kim? Biz ony jemqorlyq dep eseptemeimiz. Sondyqtan da neniń jemqorlyq, neniń jemqorlyq emes ekendigin naqty ajyrata bilýimiz kerek. Bala birinshi synyp tabaldyryǵyn attaǵan kezde ustazyna gúl syilasa, onda bul jemqorlyq emes», - dedi Ashat Aimaǵambetov.
