QR Parlament Májilisiniń depýtaty Qanat Mýsin elimizde jańadan qabyldanǵan «Pedagog mártebesi týraly» zańǵa qatysty pikir bildirdi, dep habarlaidy QazAqparat tilshisi.
«Jańadan qabyldanǵan «Pedagog mártebesi týraly» zańda muǵalimderdiń quqyqtary naqty kórsetilgen. Iaǵni, memleket muǵalim mártebesin kóterýdi óz mindetine alyp otyr. Eń birinshi kezekte muǵalimderdi pedagogikalyq jumysyna jatpaityn jumysqa tartpaý máselesine basymdyq beriledi. Zańda muǵalimder men oqýshylarǵa túsetin júktemeni azaitý máselesi de qarastyrylǵan. Sebebi, bilim berý isi eń aldyńǵy qatarǵa shyǵýy tiis. Buǵan deiin halyq sanaǵyn júrgizýde de, sailaý kezinde de muǵalimderdi jumysqa tartqan jaǵdaidyń bolǵanyn joqqa shyǵara almaimyz. Bunyń bárine núkte qoiyldy. Zań qabyldandy. Osy zań muǵalimniń barlyq jumysyn quqyqtyq relske qoiyp beredi», - dedi depýtat elordadaǵy Oqýshylar saraiynyń jumysymen tanysý barysynda tilshilerdiń suraǵyna jaýap bere otyryp.
Parlament Májilisiniń depýtattary qazirgi ýaqytta óńir-óńirdi aralap, jergilikti jerde atqarylyp jatqan jumystarmen tanysýǵa attanǵan. Depýtattardyń bir toby elordada ártúrli saladaǵy mekemelerdi aralaýda.
Eske sala ketsek, ótken jyldyń 30 jeltoqsanynda Prezident «Pedagog mártebesi týraly» zańǵa qol qoiǵan bolatyn.
