قر پارلامەنت مەجٸلٸسٸنٸڭ دەپۋتاتى قانات مۋسين ەلٸمٸزدە جاڭادان قابىلدانعان «پەداگوگ مەرتەبەسٸ تۋرالى» زاڭعا قاتىستى پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«جاڭادان قابىلدانعان «پەداگوگ مەرتەبەسٸ تۋرالى» زاڭدا مۇعالٸمدەردٸڭ قۇقىقتارى ناقتى كٶرسەتٸلگەن. ياعني, مەملەكەت مۇعالٸم مەرتەبەسٸن كٶتەرۋدٸ ٶز مٸندەتٸنە الىپ وتىر. ەڭ بٸرٸنشٸ كەزەكتە مۇعالٸمدەردٸ پەداگوگيكالىق جۇمىسىنا جاتپايتىن جۇمىسقا تارتپاۋ مەسەلەسٸنە باسىمدىق بەرٸلەدٸ. زاڭدا مۇعالٸمدەر مەن وقۋشىلارعا تٷسەتٸن جٷكتەمەنٸ ازايتۋ مەسەلەسٸ دە قاراستىرىلعان. سەبەبٸ, بٸلٸم بەرۋ ٸسٸ ەڭ الدىڭعى قاتارعا شىعۋى تيٸس. بۇعان دەيٸن حالىق ساناعىن جٷرگٸزۋدە دە, سايلاۋ كەزٸندە دە مۇعالٸمدەردٸ جۇمىسقا تارتقان جاعدايدىڭ بولعانىن جوققا شىعارا المايمىز. بۇنىڭ بەرٸنە نٷكتە قويىلدى. زاڭ قابىلداندى. وسى زاڭ مۇعالٸمنٸڭ بارلىق جۇمىسىن قۇقىقتىق رەلسكە قويىپ بەرەدٸ», - دەدٸ دەپۋتات ەلورداداعى وقۋشىلار سارايىنىڭ جۇمىسىمەن تانىسۋ بارىسىندا تٸلشٸلەردٸڭ سۇراعىنا جاۋاپ بەرە وتىرىپ.
پارلامەنت مەجٸلٸسٸنٸڭ دەپۋتاتتارى قازٸرگٸ ۋاقىتتا ٶڭٸر-ٶڭٸردٸ ارالاپ, جەرگٸلٸكتٸ جەردە اتقارىلىپ جاتقان جۇمىستارمەن تانىسۋعا اتتانعان. دەپۋتاتتاردىڭ بٸر توبى ەلوردادا ەرتٷرلٸ سالاداعى مەكەمەلەردٸ ارالاۋدا.
ەسكە سالا كەتسەك, ٶتكەن جىلدىڭ 30 جەلتوقسانىندا پرەزيدەنت «پەداگوگ مەرتەبەسٸ تۋرالى» زاڭعا قول قويعان بولاتىن.
