QR Bilim jáne ǵylym ministri Ashat Aimaǵambetov aldaǵy tórt jylda muǵalimderdiń jalaqysy qalai kóteriletinin túsindirdi, dep habarlaidy QazAqparat.
«Memleket basshysy aldaǵy tórt jylda pedagogtardyń jalaqysyn keminde eki esege arttyrý týraly Úkimetke naqty tapsyrma berdi. Onyń úshjyldyq qarajaty búginde biýdjet jobasynda qarastyrylǵan. Qazir de pedagogtar tarapynan eńbekaqynyń qalai kóteriletini týraly suraqtar kóptep túsýde. Munda bazalyq laýazymdyq eńbekaqy emes, qyzmettik eńbekaqy týraly aityp otyrmyz. Sáikesinshe, qyzmettik jalaqymen birge, ústemeaqylar da kóbeiedi. Osylaisha, áriptesterimizdiń jalaqysyn aitarlyqtai kóbeitemiz», - dedi ministr búgin Ortalyq kommýnikatsiialar qyzmetinde ótken baspasóz máslihatynda.
Eske sala ketsek, tamyz aiynda QR Prezidenti Qasym-Jomart Toqaev 4 jylda muǵalimderdiń jalaqysyn eki esege arttyrý týraly tapsyrma berdi.
«Muǵalimderdiń eńbekaqysy eń tómengi ailyqtardyń biri bolyp tur. Ekonomikadaǵy ortasha eńbekaqynyń 65 paiyzyn ǵana quraidy. Árine, munymen kelispeimiz. Sondyqtan Úkimetke bilim júiesine bilikti mamandar tartý maqsatynda jáne pedagogtardyń mártebesin kóterý úshin muǵalimderdiń eńbekaqysyn 4 jyldyń ishinde 2 esege arttyrýdy tapsyramyn», - degen bolatyn Prezident.
