«Muǵalimderdiń mártebesi týraly» zań 2019 jyldyń maýsym aiynda qabyldanýy múmkin. Bul týraly QR Bilim jáne ǵylym vitse-ministri Elmira Sýhanberdieva málimdedi, dep habarlaidy Baq.kz agenttigi.
Aldymen vitse-ministr qazirgi tańda atalǵan zańnyń memlekettik organdar men ákimdikterdiń kelisiminen ótip jatqanyn atap ótti.
Osy oraida ol muǵalimderden usynys qabyldaý jumysy da jalǵasyp jatqanyn jetkizdi.
Onyń aitýynsha, atalǵan zań jobasy aqpan aiynda Májilistiń qaraýyna jiberiledi.
«Aqpan aiynyń basynda zań jobasy Májiliske engizilip, onda depýtattar qujatty ary qarai óńdeidi. Sodan keiin Senattyń qaraýyna ótedi. Al maýsymda elimizdiń Prezidenti atalǵan zań jobasyna qol qoiady. Oǵan deiin 300 myń pedagog ony tyńǵylyqty oqyp, zerdelep, óz usynystaryn engizýleri qajet», - dedi Elmira Sýhanberdieva elordadaǵy №59 mektepte ótken qoǵamdyq tyńdaý barysynda.
Aita keteiik, ótken jyly Elbasy Qazaqstan halqyna Joldaýynda úkimetke muǵalim mártebesi týraly zań jobasyn daiyndaýdy tapsyrdy.
