Indýstriia jáne infraqurylymdyq damý ministrligi muǵalimder men dárigerlerge jalǵa beriletin baspananyń sharttary týraly aitty.
2019 jyldan bastap qazaqstandyq muǵalimder men dárigerlerge "Qazaqstan ipotekalyq kompaniiasy" AQ-dan satyp alý quqyǵy bar arendalyq baspana beriledi.
- Páterdi jalǵa alý merzimi – 20 jylǵa deiin.
- Jyldyq mólsherlemesi – 3,1%.
- Bastapqy jarna qajet emes.
Qazaqstan ipotekalyq kompaniiasy tek jańa páterlerdi ǵana satyp alady.
Máselen, páter quny 9,6 million teńge delik. Ai saiynǵy tólem shamamen 53 myń teńgeni quraidy.
Bir aita keterligi, jalǵa alý qunyna eksplýatatsiialyq jáne kommýnaldyq qyzmetterdiń tólemi kirmeidi.
Biýdjet salasynyń qyzmetkerlerine arnalǵan turǵyn úi baǵdarlamasy 2019 jyldyń maýsymynda iske qosylǵan bolatyn. Baspanaǵa muqtaj adamdardyń tizimin bilim jáne ǵylym ministrligi men densaýlyq saqtaý ministrligi jasaidy. Sodan keiin QIK azamattyń tólem qabilettigin baǵalap, baspanany jalǵa berý kelisimshartyn bekitedi.
Aldaǵy eki jyl ishinde baǵdarlamany iske asyrýǵa 40 milliard teńge baǵyttalyp, 3 myńǵa tarta dáriger men muǵalimdi baspanamen qamtý josparlanyp otyr.
Búginde Almaty qalasynda 4,3 milliard teńge (288 páter), Qaraǵandyda 0,2 milliard teńgeniń (21 páter) kelisimsharty bekitilgen. Nur-Sultanda 146 páter satyp alý úshin 1,9 milliard teńgeniń kelisimshartyna qol qoiylady.
