Óskemen qalasyndaǵy №30 mektep ǵimaraty. © yandex.kz
Óskemende mas ári jartylai jalańash AÁD pen eńbek páni oqytýshylary №30 mektep aýmaǵynda videoǵa túsirilgen. Onda pedagogtar 17 jastaǵy qyzben kóńil kótergeni kórinedi, - dep habarlaidy Massaget.kz portaly YK-news.kz saityna silteme jasap.
Kýágerdiń videosy áleýmettik jelilerde tarady.
"Bul derek boiynsha tiisti tekseris júrgizilip, osy adamdardyń jeke basy anyqtaldy. Olarǵa Ákimshilik quqyq buzýshylyq týraly kodekstiń 434-baby "Usaq buzaqylyq" boiynsha qoldanystaǵy ákimshilik zańnamaǵa sáikes sharalar qabyldandy", - dep málimdedi ShQO PD ókili.
Tártip buzýshylarǵa bes ailyq eseptik kórsetkish mólsherinde aiyppul salynýy nemese on táýlikke deiingi merzimge ákimshilik qamaýǵa alynýy múmkin.
Qalanyń bilim bólimi qyzmetkeri daýly videodaǵy er adamdar oqý ornynyń oqytýshylary ekenin rastady.
"Iá, shynynda da, bizdiń eki muǵalimimiz ben qyz boldy. Olardyń mas bolǵanyn kórýge bolady. Pedagogtar men kúzetshi qyzmetterinen bosatyldy. Zorlaý týraly áńgimelerge qatysty aitsaq, bizben birge kámeletke tolmaǵandar isi qyzmetkerleri jáne IIO inspektorlary jumys istedi. Olar barlyq jazbany qarap shyqty, qazir quqyq qorǵaý organdary bul ispen ainalysyp jatyr. Beinebaqylaý kamerasynda zorlyq-zombylyq derekteri tirkelgen joq. Bizdiń oqýshy ma, bizdiń emes pe, ony aita almaimyn. Video boiynsha ol - mekteptiń burynǵy túlegi ekeni kórinip tur, biraq naqty emes, onyń jeke basyn quqyq qorǵaý organdary anyqtaidy", - dedi Shyǵys Qazaqstan oblysy bilim basqarmasynyń "Óskemen qalasy boiynsha bilim bólimi" MM basshysy Sáýle Alagózova.
Bilim bóliminde qala mektepteri aýmaǵynda kúzet kúsheitiletinine ýáde berildi.
"Bul birinshi ret bolyp tur, AÁD pedagogynyń tájiribesi kóp, eńbek jáne tehnologiia pedagogynyń tájiribesi odan azdaý. Olardyń 10 jyldan asa tájiribesi bar. Kúzetshi jumystan bosatyldy. AÁD muǵalimi oqiǵa bolǵan kúni túske deiin jumysta boldy, keiin eshteńe túsindirmedi, esinde eshteńe joǵyn aitady", - dedi Alagózova.
