Ulttyq qoǵamdyq senim keńesiniń múshesi Erlan Sairov Shyǵys Qazaqstan oblysynyń turǵyndarymen Prezident Joldaýyn talqylady, dep habarlaidy "Ult aqparat".
Shyǵys Qazaqstan oblysynyń ishki saiasat basqarmasy men Eýraziia integratsiia institýty birlesip uiymdastyrǵan jiyn Kókpekti aýdany ákimdiginiń konferents-zalynda ótti.
Aityp ótkenimizdei, sharaǵa Qazaqstan respýblikasy Prezidenti janyndaǵy Ulttyq qoǵamdyq senim keńesiniń múshesi Erlan Sairov qatysty.
Memleket basshysy óz Joldaýynda atap kórsetken negizgi basymdyqtar týraly keńinen áńgimelegen Erlan Sairov elimizdegi shekaralyq aýdandardy damytý, kópbalaly otbasylardy baspanamen qamtý, jastarǵa sapaly bilim berý siiaqty máselelerge toqtaldy. Sonymen qatar saiasattanýshy Ulttyq senim keńesi tarapynan naqty qandai jumystar júrgizilip jatqanyn aityp berdi.
«El Prezidenti Qasym-Jomart Toqaev pedagogtardyń áleýmettik mártebesin kóterýdi basym baǵyttyń biri retinde atap ótti. Zaman ózgerip jatyr, soǵan sáikes bizdiń dúnietanymymyz da ózgere bastady. Osyndai kezeńde eń jaýapty ári mańyzdy mindet muǵalimge júkteledi. Óitkeni ustazdar qaýymy bolashaq urpaqtyń dúnietanymyn qalyptastyryp, bilimmen sýsyndatady. Muǵalim rýhani jáne tehnologiialyq ózgeristerdiń shyńynda bolýy kerek», – dep atap ótti Erlan Sairov.
