Eldegi muǵalim daiarlaityn 86 ýniversitettiń 36-sy litsenziiasynan aiyryldy. Úkimet otyrysynda QR Bilim jáne ǵylym ministri Ashat Aimaǵambetov osylai málim etti, dep habarlaidy QazAqparat.
«Úlken oqý júktemesi men qaǵazbasylyq pedagogterdiń sabaqqa tolyqqandy daiyndalýyna qiyndyq týǵyzǵany belgili. Sondyqtan biz pedagogikalyq júktemeni 800-1000 saǵattan 680 saǵatqa deiin azaityp, eseptilik nysandaryn da 35% qysqarttyq. Bul shara da áriptesterimizge sapaly bilim berýmen, ǵylymmen ainalysýǵa múmkindik bereri sózsiz», - dedi vedomstvo basshysy.
Sondai-aq, ol bilim sapasyn qamtamasyz etý úshin qandai memlekettik baqylaý sharalary qabyldanǵanyn atady.
«Ministrlik sapasyz bilim beretin ýniversitetterde tekseris júrgizip, nátijesinde anyqtalǵan kemshilikter boiynsha 500-den astam sot protsesine qatysyp, 15 ýniversitetti tolyǵymen japty. Taǵy 4 ýniversitetti jabý boiynsha sottyń sheshimi qabyldandy. Biraq qazir apelliatsiia júrýde. Buǵan qosa, taǵy 61 ýniversitettiń 400 sapasyz bilim bergen baǵyttary boiynsha litsenziialary qaityp alyndy. Stýdentteri basqa oqý oryndaryna aýystyryldy», - degen ministr tekseris protsedýrasy da jetildirilgenin, oǵan stýdentterdi testileý men jumys berýshilerden saýalnama júrgizý siiaqty sapaly kórsetkishter engizilgenin qosty.
«Mysaly, muǵalimderdi munyń aldynda 86 ýniversitet daiyndasa jáne sapasy boiynsha kóp suraqtar týyndasa, endi pedagogterdi tek 50 oqý oryny ǵana daiyndaidy. Iaǵni, tek osy baǵyt boiynsha ǵana 36 ýniversitettiń litsenziiasy qaitaryp alyndy. Ári qarai osy jumysty jalǵastyramyz», - dedi Ashat Aimaǵambetov.
