ەلدەگٸ مۇعالٸم دايارلايتىن 86 ۋنيۆەرسيتەتتٸڭ 36-سى ليتسەنزيياسىنان ايىرىلدى. ٷكٸمەت وتىرىسىندا قر بٸلٸم جەنە عىلىم مينيسترٸ اسحات ايماعامبەتوۆ وسىلاي مەلٸم ەتتٸ, دەپ حابارلايدى قازاقپارات.
«ٷلكەن وقۋ جٷكتەمەسٸ مەن قاعازباسىلىق پەداگوگتەردٸڭ ساباققا تولىققاندى دايىندالۋىنا قيىندىق تۋعىزعانى بەلگٸلٸ. سوندىقتان بٸز پەداگوگيكالىق جٷكتەمەنٸ 800-1000 ساعاتتان 680 ساعاتقا دەيٸن ازايتىپ, ەسەپتٸلٸك نىساندارىن دا 35% قىسقارتتىق. بۇل شارا دا ەرٸپتەستەرٸمٸزگە ساپالى بٸلٸم بەرۋمەن, عىلىممەن اينالىسۋعا مٷمكٸندٸك بەرەرٸ سٶزسٸز», - دەدٸ ۆەدومستۆو باسشىسى.
سونداي-اق, ول بٸلٸم ساپاسىن قامتاماسىز ەتۋ ٷشٸن قانداي مەملەكەتتٸك باقىلاۋ شارالارى قابىلدانعانىن اتادى.
«مينيسترلٸك ساپاسىز بٸلٸم بەرەتٸن ۋنيۆەرسيتەتتەردە تەكسەرٸس جٷرگٸزٸپ, نەتيجەسٸندە انىقتالعان كەمشٸلٸكتەر بويىنشا 500-دەن استام سوت پروتسەسٸنە قاتىسىپ, 15 ۋنيۆەرسيتەتتٸ تولىعىمەن جاپتى. تاعى 4 ۋنيۆەرسيتەتتٸ جابۋ بويىنشا سوتتىڭ شەشٸمٸ قابىلداندى. بٸراق قازٸر اپەللياتسييا جٷرۋدە. بۇعان قوسا, تاعى 61 ۋنيۆەرسيتەتتٸڭ 400 ساپاسىز بٸلٸم بەرگەن باعىتتارى بويىنشا ليتسەنزييالارى قايتىپ الىندى. ستۋدەنتتەرٸ باسقا وقۋ ورىندارىنا اۋىستىرىلدى», - دەگەن مينيستر تەكسەرٸس پروتسەدۋراسى دا جەتٸلدٸرٸلگەنٸن, وعان ستۋدەنتتەردٸ تەستٸلەۋ مەن جۇمىس بەرۋشٸلەردەن ساۋالناما جٷرگٸزۋ سيياقتى ساپالى كٶرسەتكٸشتەر ەنگٸزٸلگەنٸن قوستى.
«مىسالى, مۇعالٸمدەردٸ مۇنىڭ الدىندا 86 ۋنيۆەرسيتەت دايىنداسا جەنە ساپاسى بويىنشا كٶپ سۇراقتار تۋىنداسا, ەندٸ پەداگوگتەردٸ تەك 50 وقۋ ورىنى عانا دايىندايدى. ياعني, تەك وسى باعىت بويىنشا عانا 36 ۋنيۆەرسيتەتتٸڭ ليتسەنزيياسى قايتارىپ الىندى. ەرٸ قاراي وسى جۇمىستى جالعاستىرامىز», - دەدٸ اسحات ايماعامبەتوۆ.
