Mozilla jáne Google kompaniialary qazaqstandyq internet qoldanýshylardyń onlain qaýipsizdigi men qupiialyǵyn qorǵaý tehnologiiasyn iske qosatynyn málimdedi. Osy arqyly eki kompaniia Qazaqstan biliginiń Firefox jəne Chrome braýzerlerindegi internet trafigine aralasýyna tosqaýyl qoimaq.
Mozilla saitynda aǵylshyn, qazaq jáne orys tilinde jariialanǵan resmi málimdemede "kompaniia Qazaqstanda internet qoldanýshylarǵa qaýipsizdik sertifikatyn ornatýdy talap etip jatqan soń osyndai qadamǵa bardy" dep jazylǵan. Mozilla "Qazaqstan úkimet usynǵan qaýipsizdik sertifikaty internet qoldanýshylarynyń barlyq deregin oqýǵa múmkindik beredi" dep sanaidy.
Dál osyndai habarlama Google kompaniiasynyń resmi blogynda da jariialandy. Kompaniianyń málimdeýinshe, jańa tehnologiia Qazaqstan biligi usynǵan qaýipsizdik sertifikatyna tocqaýyl qoiady. Google jańa tehnologiiany kompaniia braýzerge ózderi ornatatynyn habarlady.
"Biz mundai qadamǵa barmas edik. Biraq qoldanýshylardy qorǵaý jáne internettiń qaýipsizdigi - Firefox braýzeriniń negizgi qaǵidasy" dedi Mozilla kompaniiasynyń qaýipsizdik bóliminiń direktory Marshall Ervin.
Al Chrome braýzeriniń bas direktory Paris Tabriz "naqty másele bolǵan soń osyndai qadamǵa barǵandaryn, kompaniia álemdegi barlyq qoldanýshyny qorǵaý úshin qashanda shara qoldanatynyn" aitty.
Mozilla Qazaqstan biliginiń qaýipsizdik sertifikatyn ekinshi ret engizýge talpynys jasaǵanyn málimdedi. Alǵashqy, 2015 jylǵy talpynys sátsiz bolǵan.
Biyl shildeniń ortasynan beri qazaqstandyqtar uialy bailanys operatorlarynan "internetke kirý máselesi týyndamas úshin" arnaiy qaýipsizdik sertifikatyn ornatýdy usynǵan habarlama ala bastaǵan.
Sertifikattyń resmi ataýy - QazNet Trust Network. Operatorlar men Qazaqstan biligi muny "kiber shabýyldy aldyn alý sharasy" dep ataǵan.
Bilik "sertifikattyń kibershabýyl men teris kontentten qorǵaitynyn, ony ornatý týraly túpkilikti sheshimdi ár azamat ózi qabyldaitynyn" aityp kelgen. Biraq QazNet sertifikatynan bas tartqandar kóptegen áleýmettik jeli men poshta júiesine kire almaǵanyn aityp shaǵymdanǵan.
Biliktiń sertifikatty jappai engizý talpynysynan keiin Nur-Sultan jergilikti jáne halyqaralyq uiymdar men belsendilerdiń synyna qaldy.
Biyl shildeniń ortasynan beri qazaqstandyqtar uialy bailanys operatorlarynan "internetke kirý máselesi týyndamas úshin" arnaiy qaýipsizdik sertifikatyn ornatýdy usynǵan habarlama ala bastaǵan.
Sertifikattyń resmi ataýy - QazNet Trust Network. Operatorlar men Qazaqstan biligi muny "kiber shabýyldy aldyn alý sharasy" dep ataǵan.
Bilik "sertifikattyń kibershabýyl men teris kontentten qorǵaitynyn, ony ornatý týraly túpkilikti sheshimdi ár azamat ózi qabyldaitynyn" aityp kelgen. Biraq QazNet sertifikatynan bas tartqandar kóptegen áleýmettik jeli men poshta júiesine kire almaǵanyn aityp shaǵymdanǵan.
Biliktiń sertifikatty jappai engizý talpynysynan keiin Nur-Sultan jergilikti jáne halyqaralyq uiymdar men belsendilerdiń synyna qaldy.
Qazaqstandyq quqyq qorǵaýshylar men belsendiler sertifikattan ornatqan soń "bilik tsenzýrany kúsheitedi" dep qaýiptenedi. Olar "bilik osy sertifikat arqyly árkimniń jeke aqparatyn baqylap otyrǵysy keledi" dep topshylaidy. Keibir belsendiler bilik bastamasyna narazylyq bildirip, jalǵyz adamdyq aktsiia ótkizgen. Bul keiin jelide qarsylyq fleshmobyna ainalǵan.
Birneshe zańger bailanys "qaýipsizdik sertifikatyn" ornatý habarlamasyn jibergen bailanys operatorlarynyń ústinen shaǵym túsirdi.
6 tamyzda Ulttyq qaýipsizdik komiteti kenetten qaýipsizdik sertifikaty óshiriletinin, QazNet test bolǵanyn habarlaǵan. Biraq Qazaqstan biligi aldaǵy ýaqytta ulttyq qaýipsizdikke kiber shabýyl jasalǵan jaǵdaida halyqqa eskertip, sertifikatty qoldanatynyn málimdedi.
