Ehimo prefektýrasynyń fermeri Hiroiosi Ýtsýnomiianyń salmaǵy 410,3 keli asqabaǵy jeksenbide ótken baiqaýda Japoniiada ósirilgen eń úlken asqabaq retinde tanyldy. Bul týraly Kiodo agenttigi habarlaidy.
Bul - 68 jastaǵy Ýtsýnomiianyń ekinshi jeńisi. Bir qyzyǵy, ol asqabaqty Motsart áýeniniń kómegimen ósirgen.
2018 jyly salmaǵy 412, 6 kelilik asqabaqty ósirip, birinshi ret jeńiske jetken sharýa ony Japoniianyń dástúrli «enka» balladalary arqyly baptaǵanyn aitqan edi.
Baiqaýǵa qatysqan toǵyz prefektýranyń 51 qatysýshysy arasynan ekinshi oryndy eldiń shyǵysyndaǵy Tiba prefektýrasynyń turǵyny Akira Nisikava enshiledi. Onyń asqabaǵy 385 keli tartty, al úshinshi oryn – ortalyq Japoniianyń Mie prefektýrasynyń turǵyny Toshiaki Sirakige buiyrdy (334 keli).
Aita keter jait, Seto ishki aralynda ótkizilgen 34-shi sharanyń qatysýshylary COVID-19 pandemiiasyna bailanysty bul joly asqabaqtardy baiqaýǵa ákelmei, olardyń beinejazbalaryn usynǵan.
