ەحيمو پرەفەكتۋراسىنىڭ فەرمەرٸ حيرويوسي ۋتسۋنومييانىڭ سالماعى 410,3 كەلٸ اسقاباعى جەكسەنبٸدە ٶتكەن بايقاۋدا جاپونييادا ٶسٸرٸلگەن ەڭ ٷلكەن اسقاباق رەتٸندە تانىلدى. بۇل تۋرالى كيودو اگەنتتٸگٸ حابارلايدى.
بۇل - 68 جاستاعى ۋتسۋنومييانىڭ ەكٸنشٸ جەڭٸسٸ. بٸر قىزىعى, ول اسقاباقتى موتسارت ەۋەنٸنٸڭ كٶمەگٸمەن ٶسٸرگەن.
2018 جىلى سالماعى 412, 6 كەلٸلٸك اسقاباقتى ٶسٸرٸپ, بٸرٸنشٸ رەت جەڭٸسكە جەتكەن شارۋا ونى جاپونييانىڭ دەستٷرلٸ «ەنكا» باللادالارى ارقىلى باپتاعانىن ايتقان ەدٸ.
بايقاۋعا قاتىسقان توعىز پرەفەكتۋرانىڭ 51 قاتىسۋشىسى اراسىنان ەكٸنشٸ ورىندى ەلدٸڭ شىعىسىنداعى تيبا پرەفەكتۋراسىنىڭ تۇرعىنى اكيرا نيسيكاۆا ەنشٸلەدٸ. ونىڭ اسقاباعى 385 كەلٸ تارتتى, ال ٷشٸنشٸ ورىن – ورتالىق جاپونييانىڭ ميە پرەفەكتۋراسىنىڭ تۇرعىنى توشياكي سيراكيگە بۇيىردى (334 كەلٸ).
ايتا كەتەر جايت, سەتو ٸشكٸ ارالىندا ٶتكٸزٸلگەن 34-شٸ شارانىڭ قاتىسۋشىلارى COVID-19 پاندەميياسىنا بايلانىستى بۇل جولى اسقاباقتاردى بايقاۋعا ەكەلمەي, ولاردىڭ بەينەجازبالارىن ۇسىنعان.
