17 tamyzdan bastap elimizde monsha men saýnalar jumysyn bastaidy. Bul týraly búgin Ortalyq kommýnikatsiialar qyzmetinde ótken onlain-brifingte aityldy, dep habarlaidy QazAqparat.
«Monsha men saýnanyń jumys isteýine ruqsat etiledi. Bastapqy kezeńde monsha men saýnalardyń jumysy basseinsiz júzege asyrylady. Nysannyń ishi 50% bos bolýy kerek jáne ár kelýshige kem degende 4 sharshy metr aýmaqtan kelýi tiis», - dedi QR Bas memlekettik sanitarlyq dárigeri Aijan Esmaǵambetova.
A.Esmaǵambetova atap ótkendei, koronavirýstyń taralý sanyn azaitý boiynsha qol jetkizilgen dinamikany saqtap qalý qajet.
«Iaǵni, Qazaqstandaǵy koronavirýs boiynsha epidemiologiialyq jaǵdaidyń turaqtanýyn sipattaityn dinamikany saqtap qalý kerek. Sondyqtan, birinshi kezeńde qashyqtan jumys isteý boiynsha 80/20 qatynasy saqtalady. Múmkindiginshe, qashyqtan jumys formatyn saqtap, jumysqa qyzmetkerlerdiń 20% ǵana kelgeni durys», - deidi ol.
Budan buryn habarlanǵandai, 13 tamyzda QR Premer-Ministri Asqar Maminniń tóraǵalyǵymen ótken memlekettik komissiia otyrysynda Karantin sharalaryn kezeń-kezeńimen alyp tastaý jospary bekitildi.
