Mońǵoliia prezidenti 27 aqpan kúni saǵat 22.20-da QHR-daǵy bir kúndik saparynan oraldy, dep habarlaidy "Ult aqparat" Montsame agenttigine silteme jasap.
Qaýipti virýsty elge taratpaý keshendi sharalarynyń erejesine sáikes, memleket basshysymen birge barǵan resmi tulǵalar Shyńǵys han halyqaralyq áýejaiynda koronavirýsqa tekseristen ótip, arnaiy mekemege 14 kúnge oqshaýlandyryldy.
Resmi málimet boiynsha, Prezident H.Battýlga astanalyq emhanalardyń birine jeke jatqyzylsa, onymen birge barǵan ishki saiasat mekemesiniń ministri D.Tsogtbaatar, Tótenshe jaǵdailar boiynsha bas basqarma (TJBB) basshysy, general-maior T.Badral, Prezident ákimshiliginiń basshysy Ý.Shijir, Syrtqy saiasat boiynsha prezident keńesshisi T.Tegshjargal astanalyq Han-Ýýl aýdany aýmaǵynda «Jargalant» taý shatqalyndaǵy arnaiy ońaltý shipajaiyna jiberildi.
Eske sala ketsek, Mońǵoliia prezidenti men QHR tóraǵasynyń kezdesýi Qytaida jańa koronavirýs paida bolyp, oǵan jalpyulttyq kúres jalǵasyp jatqan sátte ótti. Bul kórshiles eki el arasyndaǵy strategiialyq seriktestik óziniń eń joǵarǵy dárejesine jetkendigin kórsetedi.
