Mońǵoliia prezidenti Haltmaagiin Battýlga eger Uly halyq hýraly (parlament) óz-ózin taratý týraly sheshim qabyldamasa, ashtyq jariialaitynyn ia bir orynda otyryp ereýil jasaitynyn málimdedi. Bul jóninde Bloomberg agenttigi Mońǵoliia telearnasyna silteme jasap, habarlaidy.
Haltmaagiin Battýlga parlamentti ekonomikalyq daǵdarystarǵa tótep bere almai keledi dep synady. Mońǵoliia prezidenti Halyqaralyq valiýta qorynan kómek suraǵan, biraq úkimet eshqandai qoldaý kórsetpedi.
Bloomberg Battýlganyń bul áreketin 2020 jyly ótýi tiis parlament sailaýy aldyndaǵy saiasi júris dep esepteidi. Ol basqaratyn Demokratiialyq partiia parlamentten kóp oryn alýdy kózdeidi. Partiia qazir Uly halyq hýralynda 25 paiyz mandatqa ie. Qalǵan mandat Mońǵoliia halyqtyq partiiasynyń qolynda. Jergilikti sarapshylar prezident óz ákimshiliginiń quzyretin de keńeitkisi keletinin aitady.
29 qazanda Battýlga parlamentke merziminen buryn óz-ózin taratý jóninde hat joldaǵan. Hatta parlament 2016 jylǵy sailaý kezindegi ýádesin oryndamai, zań buzǵany aitylǵan.
