Naýryz merekesine orai Mońǵoliia prezidenti Haltmaagiin Battýlga sol elde turatyn birqatar qazaq azamatyn memlekettik medaldarmen marapattady. Bul týraly mońǵoliialyq BAQ jazdy.
«Qazaq halqynyń Naýryz merekesine orai, Mońǵoliia Prezidentiniń Jarlyǵymen bilim, mádeniet, aýyl sharýashylyǵy, memlekettik qyzmet salasynda uzaq jyl tabysty qyzmet atqaryp kele jatqan 100-ge jýyq azamat Mońǵoliia Respýblikasyna Eńbegi sińgen qairatker jáne basqa da memlekettik medalmen marapattaldy», - delingen BAQ taratqan aqparatta.
Memlekettik marapatqa ie bolǵan azamattardyń naqty sany - 98.
Olardyń qatarynda «Mońǵoliia Respýblikasyna Eńbegi sińgen qairatker» ataǵy Baian-Ólgii aimaǵy Aýylsharýashylyq basqarmasynyń aǵa qyzmetkeri Ońǵar Jantómirge berildi.
Sonymen qatar, Baian-Ólgii aimaǵy, Delúún aýdany Jalpy orta mektebiniń aǵa oqytýshysy Hadan Qabisat «Eńbek sińirgen ustaz» ataǵyn ielendi.
Budan bólek, 10 adam – «Eńbek Qyzyl tý» ordenimen, 53 adam – «Altyn juldyz» ordenimen, 28 adam – «Eńbekke Qurmet» medalimen, 2 adam – «Áskeri namys» ordenimen jáne 1 adam – «Áskeri Qyzyl tý» medalimen, 1 adam – «Áskeri Qurmet» medalimen, 1 adam – «Ádilet» medalimen jeke-jeke marapattaldy.
