Foto: Depositphotos
Qarjy ministrliginiń Memlekettik kirister komiteti mobildi aýdarymdar boiynsha limitten asyp ketken 8 myń qazaqstandyqqa qatysty taldaý jumystaryn júrgizip jatyr, - dep habarlaidy Tengrinews.kz saity.
Áńgime birinshi kezeńde deklaratsiia tapsyrǵan qazaqstandyqtar týraly bolyp otyr.
2021 jyldyń 1 qańtarynan bastap deklaratsiia tapsyrǵandar:
- jaýapty memlekettik laýazymdy atqaratyn adamdar jáne olardyń jubailary;
- memlekettik fýnktsiialardy oryndaýǵa ýákilettik berilgen adamdar jáne olardyń jubailary;
- memlekettik fýnktsiialardy oryndaýǵa ýákilettik berilgen adamdarǵa teńestirilgen adamdar jáne olardyń jubailary;
- "Sailaý týraly" Konstitýtsiialyq zańǵa jáne "Sybailas jemqorlyqqa qarsy is-qimyl týraly", "Bankter jáne bank qyzmeti týraly", "Saqtandyrý qyzmeti týraly", "OB naryǵy týraly" zańdarǵa sáikes usyný mindeti júktelgen adamdar.
"Búginde kelip túsken aqparat boiynsha taldaý jumystary júrgizilip jatyr, ony birinshi ret alyp otyrmyz. Naqtylaýdy qajet etetin tustary bar. Sondyqtan, barlyq azamatqa birden eskertý berip, aiyppul salamyz dep aita almaimyz.
8 myń azamat týraly aqparat aldyq, barlyǵy 570 myńnan astam adam jalpyǵa birdei deklaratsiialaýdyń birinshi kezeńine ótti. Munda tek memlekettik qyzmetshiler ǵana emes, memlekettik qyzmetkerlerdiń jubailary da bar", - dedi QR Qarjy ministrligi Memlekettik kirister komitetiniń Jeke tulǵalardyń kásipkerlik qyzmetin jáne arnaiy salyq rejimderin ákimshilendirý departamentiniń direktory Nurjan Qýandyqov.
