فوتو: Depositphotos
قارجى مينيسترلٸگٸنٸڭ مەملەكەتتٸك كٸرٸستەر كوميتەتٸ موبيلدٸ اۋدارىمدار بويىنشا ليميتتەن اسىپ كەتكەن 8 مىڭ قازاقستاندىققا قاتىستى تالداۋ جۇمىستارىن جٷرگٸزٸپ جاتىر, - دەپ حابارلايدى Tengrinews.kz سايتى.
ەڭگٸمە بٸرٸنشٸ كەزەڭدە دەكلاراتسييا تاپسىرعان قازاقستاندىقتار تۋرالى بولىپ وتىر.
2021 جىلدىڭ 1 قاڭتارىنان باستاپ دەكلاراتسييا تاپسىرعاندار:
- جاۋاپتى مەملەكەتتٸك لاۋازىمدى اتقاراتىن ادامدار جەنە ولاردىڭ جۇبايلارى;
- مەملەكەتتٸك فۋنكتسييالاردى ورىنداۋعا ۋەكٸلەتتٸك بەرٸلگەن ادامدار جەنە ولاردىڭ جۇبايلارى;
- مەملەكەتتٸك فۋنكتسييالاردى ورىنداۋعا ۋەكٸلەتتٸك بەرٸلگەن ادامدارعا تەڭەستٸرٸلگەن ادامدار جەنە ولاردىڭ جۇبايلارى;
- "سايلاۋ تۋرالى" كونستيتۋتسييالىق زاڭعا جەنە "سىبايلاس جەمقورلىققا قارسى ٸس-قيمىل تۋرالى", "بانكتەر جەنە بانك قىزمەتٸ تۋرالى", "ساقتاندىرۋ قىزمەتٸ تۋرالى", "وب نارىعى تۋرالى" زاڭدارعا سەيكەس ۇسىنۋ مٸندەتٸ جٷكتەلگەن ادامدار.
"بٷگٸندە كەلٸپ تٷسكەن اقپارات بويىنشا تالداۋ جۇمىستارى جٷرگٸزٸلٸپ جاتىر, ونى بٸرٸنشٸ رەت الىپ وتىرمىز. ناقتىلاۋدى قاجەت ەتەتٸن تۇستارى بار. سوندىقتان, بارلىق ازاماتقا بٸردەن ەسكەرتۋ بەرٸپ, ايىپپۇل سالامىز دەپ ايتا المايمىز.
8 مىڭ ازامات تۋرالى اقپارات الدىق, بارلىعى 570 مىڭنان استام ادام جالپىعا بٸردەي دەكلاراتسييالاۋدىڭ بٸرٸنشٸ كەزەڭٸنە ٶتتٸ. مۇندا تەك مەملەكەتتٸك قىزمەتشٸلەر عانا ەمەس, مەملەكەتتٸك قىزمەتكەرلەردٸڭ جۇبايلارى دا بار", - دەدٸ قر قارجى مينيسترلٸگٸ مەملەكەتتٸك كٸرٸستەر كوميتەتٸنٸڭ جەكە تۇلعالاردىڭ كەسٸپكەرلٸك قىزمەتٸن جەنە ارنايى سالىق رەجيمدەرٸن ەكٸمشٸلەندٸرۋ دەپارتامەنتٸنٸڭ ديرەكتورى نۇرجان قۋاندىقوۆ.
