13 tamyzda Ózbekstan prezidenti Shavkat Mirziiaev kásipkerlerdi májbúrlep jumysqa tartýǵa tyiym salatyn jarlyqqa qol qoidy.
Qujatqa sai, jergilikti ákimshilikterge kásipkerlerdi negizgi qyzmetine qatysy joq jumystarǵa tartýǵa, atap aitqanda, demeýshilik jáne qaiyrymdylyq kómek kórsetýge, eldimekendi kórkeitýge, metallolom jáne makýlatýra jinaýǵa májbúrleýge tyiym salyndy.
Buǵan qosa jarlyqta kásipkerler aýyl sharýashylyǵynda maýsymdyq jumystarǵa qatysýǵa jáne eńbek resýrsyn tartýǵa, aqsha jinaýǵa mindetti emestigi aitylǵan. Jergilikti ákimshilikter kásipkerlerdi májbúrli túrde jinalysqa shaqyra almaidy.
7 tamyzda Ózbekstannyń Samarqand oblysynyń basshylyǵy Malibu-2 jáne Captiva avtokólikteriniń ielerin "Shark taronalari" festivali kezinde qonaqtarǵa tegin qyzmet kórsetýge mindettegen.
Jergilikti bloger Mirzo Sýbhonovtyń habarlaýynsha, 22 shildede oblys basshysy "uiymdar men zańdy tulǵalarǵa tiesili qymbat avtokólikterdi tegin paidalaný týraly" №07-01/135 qaýly qabyldaǵan. Blogerdiń sózinshe, qaýlyǵa sáikes, jergilikti turǵyndardyń Malibu-2 jáne Captiva avtokólikterin bir apta boiy tegin paidalaný qarastyrylǵan.
Shyǵys áýenderine arnalǵan festivali Samarqandta 23-30 tamyz aralyǵynda ótedi.
