QR Aqparat jáne qoǵamdyq damý ministriniń keńesshisi bolǵan Miras Muqash «Qazaqstan» Respýblikalyq teleradiokesheni» AQ Aqtóbe oblystyq filialy «AQTÓBE» telearnasynyń direktory bolyp taǵaiyndaldy, dep habarlaidy "Ult aqparat".
Búgin Aqtóbege «Qazaqstan» RTRK» AQ tóraǵasynyń orynbasary Erjanar Ásheihan kelip, «AQTÓBE» telearnasynyń ujymyna Miras Muqashty tynystyrdy. Oblys ákiminiń orynbasary Marat Toǵjanov ujymnyń birligi men tutastyǵyn, kásibiligin atap ótip, jańa basshyǵy sáttilik tiledi.
Óz kezeginde, Miras Muqash telearna ujymymen birge jańa jobalardy iske asyratynyna senim bildirdi.
M. Muqash - Almaty oblysynyń týmasy. 2005 jyly ál-Farabi atyndaǵy Qazaq ulttyq ýniversitetiniń jýrnalistika fakýltetin bitirgen. Respýblikalyq basylymdarda jumys istep, «Habar» agenttiginiń jańalyqtar bóliminde eńbek etti. Telearnanyń Qaraǵandy oblysyndaǵy menshikti tilshisi boldy ári «Qazaqstan» ulttyq telearnasynyń tilshisi qyzmetin atqardy.
Sonymen qatar «Jetinshi arnada», onyń ishinde «Nysana» qorytyndy baǵdarlamasynyń tilshi-redaktory boldy.
Qazaqstan Jýrnalister odaǵynyń múshesi. Jańa taǵaiyndaýǵa deiin QR Aqparat jáne qoǵamdyq damý ministriniń keńesshisi boldy.
