Belarýs astanasynda «Barsha adamzatty biriktirýshi qural – kitap» atty HXVIII Minsk halyqaralyq kitap kórme-jármeńkesi ótip jatyr.
Atalmysh shara 18-21 aqpan aralyǵyna josparlanǵan jáne onyń aiasynda Qazaqstan pavilony uiymdastyryldy, dep habarlaidy "Ult aqparat" Qazaqstannyń Belarýs elindegi elshiliginiń baspasóz qyzmetine silteme jasap.
Bapasóz qyzmetiniń málimetterine qaraǵanda, atalmysh sharany Nur-Sultan qalasyndaǵy QR Ulttyq akademiialyq kitaphana QR Mádeniet jáne sport ministrliginiń qoldaýymen Qazaqstan Respýblikasynyń Belarýs Respýblikasyndaǵy elshiligimen birlesip uiymastyrdy.
«2021 jyly Táýelsiz Memleketter Dostastyǵynyń qurylǵanyna 30 jyl tolady. Belarýs Respýblikasy – osy jyly TMD-ǵa tóraǵalyq etýshi memleket. Sol sebepti, HVIII Minsk halyqaralyq kitap kórme-jármeńkesiniń Ortalyq eksponenti - Táýelsiz Memleketter Dostastyǵyn jariialaýǵa bastama boldy», - delingen habarlamada.
Ortalyq eksponent – Táýelsiz Memleketter Dostastyǵy – Belarýs ulttyq alańyn qurý tujyrymdamasyn aldyn ala anyqtady. Al, kórmeniń uranyn - «Barsha adamzatty biriktirýshi qural – kitap» dep qabyldady.
Atalmysh kórmede Qazaqstandyq delegatsiiany Nur-sultan qalasyndaǵy QR Ulttyq akademiialyq kitaphanasy, Qazaqstannyń óńirlik kitaphanalary jeke ekspozitsiialyq alańda qazaq ádebieti men mádenietin nasihattaidy.
Kórmede Qazaqstan Respýblikasynyń táýelsizdiginiń 30 jyldyǵy, elimizdiń mereitoiyna arnalyp jazylǵan kitaptar, QR Tuńǵysh Prezidenti, Elbasy N.Á.Nazarbaev, QR Prezidenti Q.K.Toqaev, tarihi jáne muraǵattyq qujattar, zamanaýi basylymdar, sondai-aq, 2021 jyldaǵy mereitoilyq avtorlardyń kitaptary – Ybyrai Altynsarin, Jambyl Jabaev, Muqaǵali Maqataev jáne basqa da avtorlardyń qazaq halqynyń ádebietin ár qyrynan ashatyn kitaptary qoiylady.
«Eldik ekspozitsiia Qazaqstan Táýelsizdiginiń 30 jyldyǵyna arnalǵan jáne birqatar qazaqstandyq uiymdardyń kúshimen daiynaldy. Stendtiń qalyptasýyna QR Kitap palatasy men Qazaqstan Jazýshylar Odaǵy yqpal etti», - dep habarlady Qazaqstannyń Belarýs Respýblikasyndaǵy elshiligi.
Atap aitsaq, Qazaqstan delegatsiiasyn Nur-sultan qalasyndaǵy Qazaqstan Respýblikasy Ulttyq Akademiialyq kitaphanasynyń basshysy Úmithan Muńalbaeva basqarady.
Kórme aiasynda Qazaqstannyń negizgi ekspozitsiiasynyń, el óńirlerinde shyǵarylatyn kitap ónimderiniń, qazirgi zamannyń aitýly folianttary men ádebi jobalardyń tusaýkeseri ótti.
