Búgin QR Úkimetiniń baspasóz ortalyǵynda ótken baspasóz konferentsiiasynda aýyl sharýashylyǵy ministri S. Omarov Qazaqstan Prezidenti Q. Toqaevtyń «Syndarly qoǵamdyq dialog - Qazaqstannyń turaqtylyǵy men órkendeýiniń negizi» Joldaýynda aitylǵan tapsyrmalardyń oryndalýy týraly aityp berdi, dep habarlaidy "Ult aqparat" primeminister.kz saityna silteme jasap.
Qazaqstan halqyna arnaǵan Joldaýynda Memleket basshysy 2030 jylǵa qarai kezeń-kezeńmen sýarylatyn jerler kólemin 3 mln ga deiin ulǵaitýdy tapsyrdy.
Aýyl sharýashylyǵy ministri S. Omarov qoldanystaǵy 2017-2021 jyldarǵa arnalǵan agroónerkásiptik keshendi damytýdyń memlekettik baǵdarlamasy aiasynda 2021 jylǵa qarai aýmaǵy 610 myń ga bolatyn jańa jerlerdi ainalymǵa engizý kózdelgenin habarlady.
«Búginde Qazaqstanda 1,4 mln ga sýarmaly jerler bar. Eger buǵan josparlanǵan 610 myń ga qosatyn bolsaq, onda 2021 jylǵa qarai biz 2 mln ga jerge qol jetkizemiz. Ol úshin aýqymdy jumystar atqarylyp jatyr», — dedi ministr.
Sýarmaly jerler kólemin kezeń-kezeńmen arttyrý boiynsha qoiylǵan mindetti iske asyrý maqsatynda oblystardyń ákimdikteri Ekologiia, geologiia jáne tabiǵi resýrstar ministrligimen birlesip MJÁ tetigi arqyly jeke áriptestiktiń qatysýymen jańa sýarmaly jerlerdi damytý boiynsha jobalardy iske asyrý jáne irrigatsiialyq jelilerdi salý úshin áleýetti investorlardy anyqtaý boiynsha jumystardy jandandyrýda.
Joǵaryda atalǵan sharalardy iske asyrý 2030 jylǵa qarai sýarmaly jerler kólemin 3 mln gektarǵa deiin arttyrýǵa múmkindik berip, aýyl sharýashylyǵy ónimderi kóleminiń 4,5 ese ósimin qamtamasyz etedi.
«Ol úshin memleket tarapynan barlyq qoldaý túrleri qarastyrylǵan. Qazir amerikandyq kompaniiamen ázirge Pavlodar oblysynda dep shamalanǵan irrigatsiialyq qurylǵylardy shyǵarý boiynsha kelissózder júrgizilip jatyr. Biz Qazaqstannyń ózinde irrigatsiialyq qurylǵylardy shyǵarý bizdiń taýar óndirýshilerge osy jabdyqty tómen baǵamen satyp alýǵa múmkindik beredi dep úmittenemiz», — dedi S. Omarov.
Sonymen qatar, aýyl sharýashylyǵy ministri QR Prezidenti Q. Toqaevtyń paidalanylmai jatqan aýyl sharýashylyǵy jerlerin óndiristik qyzmetke tartý boiynsha tapsyrmasynyń oryndalýy boiynsha atqarylyp jatqan jumystar týraly aityp berdi. Máselen, onyń aitýynsha, barlyq zańnamalyq negizder qaita qarastyrylǵan, qosymsha ózgerister engizý josparlanǵan. Ministrlik aýyl sharýashylyǵy maqsatyndaǵy paidalanylmai jatqan jerlerdi qaitaryp alý boiynsha Jol kartasyn ázirledi. Osy Jol kartasy aiasynda aýyl sharýashylyǵy maqsatyndaǵy paidalanylmai jatqan jerlerge salynatyn salyq mólsherin kezeń-kezeńmen kóterý josparlanǵan.
«Qazir oblystyq máslihattarǵa paidalanylmai jatqan jerlerge salynatyn salyqty 10 esege deiin arttyrý boiynsha quqyqtar berilgen. Biz búgingi tańda osy salyq mólsherin 20 eseden 30 esege deiin arttyrýdy kózdep otyrmyz. Mysaly, Reseide bul salyq qazir 100 esege deiin kóterilgen», — dedi S. Omarov.
Sonymen qosa, QR AShM aýyl sharýashylyǵy maqsatyndaǵy paidalanylmai jatqan jerlerdi qaitaryp alý merzimderin qysqartýdy josparlap otyr. Ministrdiń aitýynsha, paidalanylmai jatqan jerler tek sot arqyly alynady. Bul rásimge 2-3 jyl ýaqyt ketedi. Sondyqtan Aýyl sharýashylyǵy ministrliginiń tarapynan eger jerler paidalanylmasa, onda jalǵa alý kelisimshartyn birjaqty rette buzý týraly usynystar engizilýde.
Sonymen qatar S. Omarov jerdi paidalanýshylardy tekserýdiń bastalýy men nátijeleri týraly SMS habarlamalar arqyly habardar etý tetigin ázirleý jaily aityp berdi.
«Jerlerdi paidalanýshylardyń kóbi bizdiń qyzmetkerlerimizden qashady, tekserý júrgizý qajettigi týraly habarlamalardy alǵysy kelmeidi. Sondyqtan qazir biz munyń bárin avtomattandyrýdy josparlap otyrmyz, adamdarǵa SMS habarlamalar keletin bolady. Men bul aýyl sharýashylyǵy taýarlaryn óndirýshiler úshin de, bizdiń qyzmetkerlerimiz úshin de yńǵaily bolady dep oilaimyn», — dedi aýyl sharýashylyǵy ministri.
Qazir Jol kartasynyń jobasy memlekettik organdardyń talqylaýynda jatyr. Ol qosymsha jurtshylyqpen talqylanatyn bolady.
Biyl 10 qazannan bastap Parlment Senaty «Qazaqstan Respýblikasynyń keibir zańnamalyq aktilerine AÓK retteý máseleleri boiynsha ózgerister men tolyqtyrýlar engizý týraly» zań jobasyn ekinshi oqylymynda maquldap, qol qoiýǵa jiberdi. Bul zań jobasy úsh jylǵa jýyq ýaqyt boiy qaraldy, onda Qazaqstan Respýblikasynyń 13 kodeksi men 29 zańyna 800-den asa túzetýler engizý qarastyrylady.
Osy zań aiasynda aýyl sharýashylyǵyndaǵy saqtandyrý júiesiniń tásilderi ózgertiledi: mindetti saqtandyrýdan erikti saqtandyrýǵa kóshý júzege asyrylady, sondai-aq saqtandyrý tólemderin sýbsidiialaýdan saqtandyrý syiaqylaryn sýbsidiialaýǵa kóshý qolǵa alynady.
Sonymen qatar ákimdikter men kedendik organdardan baqylaý-qadaǵalaý fýnktsiialary Aýyl sharshýalyǵy ministrligine qaitarylady, sondai-aq kásipkerlerdi innovatsiialardy engizýge tartý úshin ǵylymi zertteýlerdi qarjylandyrý boiynsha biznes shyǵyndarynyń bir bóligin sýbsidiialaý qarastyrylady.
