Foto: baribar.kz
Ekologiia jáne tabiǵi resýrstar ministrligi ókilderi Kaspii teńizindegi sýdyń tartylý sebebin aitty, - dep habarlaidy Tengrinews.kz portaly.
Kaspii teńiziniń sý tapshylyǵynyń basty sebebi, eldiń Ekologiia ministrliginiń málimetinshe, planetanyń búkil soltústik jarty sharyn sharpyǵan klimattyń jylynýy.
"2006-2020 jyldar aralyǵynda Kaspii teńiziniń sý aidynyna jaýyn-shashyn az tústi, al býlaný protsesteri anaǵurlym qarqyndy boldy, sonymen qatar, Edil ózeniniń basseinindegi sýy az jyldarǵa bailanysty ortasha sý aǵyny da az boldy", - delingen ministrlik habarlamasynda.
Osy problemalardy sheshý úshin transshekaralyq sý obektilerin birlesip paidalaný jáne qorǵaý jónindegi komissiia jumys isteidi, sondai-aq Qazaqstan Respýblikasy men Resei Federatsiiasy arasyndaǵy barlyq transshekaralyq ózen boiynsha, onyń ishinde Jaiyq (Oral) ózeni basseini boiynsha jumys toptary qurylǵan.
"Sondai-aq Aqtóbe, Atyraý jáne Batys Qazaqstan oblystaryn áleýmettik-ekonomikalyq damytýdyń 2021-2025 jyldarǵa arnalǵan keshendi josparlary sheńberinde Jaiyq-Kaspii basseinindegi sý sharýashylyǵy jaǵdaiyn jaqsartý boiynsha sharalar qabyldanyp jatyr. Osy kezeńde ótkizilgen is-sharalarǵa 98 milliard teńgeden asa qarjy bólindi. Aita keteiik, Resei tarapy da osyndai sharalar qabyldap jatyr", - dedi ministrlik ókilderi.
