Qaraǵandy oblysynyń ekologiia departamenti Nura ózenine lastanǵan sý qaldyqtaryn tógý faktisin tekserýde. Qazirgi ýaqytta ekologtar sýdan synama aldy. Sondai-aq jergilikti bilik óndiristik qaldyqtar ózenge ne sebepti tógilgenin anyqtaýda, dep habarlaidy "Ult aqparat".
11 aqpanda Qaraǵandynyń tanymal pablikteriniń birinde «Bassel Group LLS» JShS kúl úiindisiniń aǵyndy sýlary Nura ózenine aǵyp jatqany týraly video jariialandy.
Bul aqparatqa qatysty QR Ekologiia, geologiia jáne tabiǵi resýrstar ministrligi túsinik berdi.
«Biylǵy 11 aqpanda saǵat 17:57-de «Bassel Group LLS« JShS kúl úiindisiniń bógetin tekserý barysynda ruqsat etilmegen aǵyndy sýlardyń tógilýi anyqtaldy. Aǵyzýdyń sebebi temperatýranyń tómendeýimen birge, qar men muz massalarynyń aitarlyqtai qysymy bolǵan. Osylaisha, shyǵarý qudyǵynyń artqy qabyrǵasynyń dánekerlengen tigisi deformatsiialanyp, nátijesinde Nura ózeniniń basseinine ruqsatsyz aǵý oryn alǵan. Kásiporyn tez arada qaqpaq tetigin jaýyp, aǵýdy toqtatty», - delingen ministrlik málimetinde.
Sondai-aq atap ótilgendei, kásiporyn qudyqtyń qabyrǵasyn qalpyna keltirý jáne tolyǵymen konservatsiialaý boiynsha jumystar júrgizý úshin «StoýnNaýsGrýpp» JShS (sýda júzý qyzmeti) mamandandyrylǵan uiymnyń basshylyǵymen kelissózder júrgizgen.
«Apat ornyna Qaraǵandy oblysy boiynsha Ekologiia departamentiniń jáne «Sý resýrstaryn paidalanýdy retteý jáne qorǵaý jónindegi Nura-Sarysý basseindik inspektsiiasy« RMM ókilderi, Temirtaý qalasy ákiminiń orynbasary, Qaraǵandy oblysynyń Tótenshe jaǵdailar departamenti barǵan. Ekologiia departamentiniń zerthanalyq-analitikalyq baqylaý bólimi sý synamalaryn aldy. Jedel sharalar qabyldanyp, apat joiyldy. Sonymen qatar, ekologiia departamenti «Bassel Group LLS« JShS-ǵa qatysty jospardan tys tekserý júrgizetin bolady», - dedi vedomstvodan.
